Diretora Jerál Prestasaun Saúde, Odete da Silva Viegas foto hamutuk hafoin remata worshop avaliasaun UN-Global Analiza no Asesmentu ba bee no saneamentu iha salaun Ministériu Saúde,Palasiu Sinzas, Caicoli. Foto Media MS

DILI,27 abríl 2022 (TATOLI)—Diretora Jerál Prestasaun Saúde hosi Ministériu Saúde (MS), Odete da Silva Viegas informa, bee sai prioridade dahuluk ba ema nia moris. Maibé, bee la sufisiente sei fó  impkatu  hodi hamosu  moras  oin-oin ba ema hotu.

Diretora Jerál, Odete da Silva Viegas hateten liafuan ne’e  ba jornalista sira bainhira remata  worshop avaliasaun  UN-Global  Analiza no Asesmentu ba  bee no saneamentu ne’ebe halao iha salaun Ministériu Saúde,Palasiu Sinzas, Caicoli ohin.

“Husi enkontru ne’ebé mak  MS hamutuk Organizasaun Mundiál Saúde (OMS) ho Autoridade Nasionál Agua no Saneamentu  (ANAS.IP) hala’o  hodi halo analiza global ba bee no saneamentu. Assuntu ne’e prioridade tebes ba ema hotu nia moris tanba bainhira bee la sufisiente fo  impkatu  bele hamosu moras hanesan diarea no mortalidade ba maluk sira ho idade avansadu,” Diretora ne’e dehan.

Nia dehan, enkontru ida ne’e  diak tebes  tanba MS komesa kopera ho Ministériu relevante hodi  fornese  bee  bazeia ba  peskiza hodi  fó impaktu diak  ba programa liu-liu  ba Ministériu Saúde liu husi  Departamentu  Saúde Ambiental ne’ebé  nia papel  hodi haree bee no saneamentu ba ema nia moris.

“Ita hein katak  empresa ANAS.IP  ne’ebé mak hamrik  hanesan instituto autonomu regulador bele haree liu ba kualidade bee. Tanba, prioridade dahuluk mak bee. Bainhira bee mak la iha sei fo impkatu   hodi hamosu  fali moras ba ema,” Nia informa.

Nia esplika, enkontru  ne’e atu reforsa  liu tan servisu Saúde Ambientál  MS nian atu haree saneamentu iha munisípiu hotu, liu-liu ba uma kain sira ne’ebé mak halo ona levantamentu. Tanba, bee importante ba ema no  Governu tenki haree nafatin. Tanba, populasaun barak sei halerik nafatin ba bee iha  área remotas tantu iha Dili. Ho ida ne’e,  ANAS.IP nia presenza  bele resolve problema sira ne’e iha tempu oin mai.

Iha fatin hanesan  Prezidente  ANAS.IP, Domingos Pinto hateten, enkontru ne’ebé halao ho Ministériu Saúde hodi  koalia kona-ba setór bee no saneamentu liu-liu ba komunidade sira ne’ebé konsumu bee tenke ho kualidade.

“Iha enkontru ne’e MS no OMS  iha ona planu atu servisu hamutuk ho ANAS.IP atu haree saida mak importante  hodi halo kona-ba bee no saneamentu nian iha tempu tuir mai,” Domingos Pinto akresenta.

Jornalista : Felicidade Ximenes

Editóra   : Armandina Moniz

 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here