Imagen google

DILI, 27 abríl  2022  (TATOLI)—Ministériu Saúde,  relata  kazu detetadu foun  pozitivu COVID-19 na’in-ida, rekuperadu hitu no kazu ativu sanolu (10).

“Kazu detetadu foun pozitivu na’in-ida, rekuperadu hitu no kazu ativu 10 ne’e identifika iha loron 26 abril 2022,”  hateten Diretora Jerál Prestasaun Saúde, Odete da Silva Viegas liuhosi nota komunikadu ne’ebé Agência TATOLI asesu, kuarta ohin.

Nune’e, hahú 21 marsu 2020 to’o 26 abril 2022 iha kumulativu kazu konfirmadu 22.861 no óbitu 130.

Notísia Relevante: COVID-19 : Kazu detetadu pozitivu la iha no ativu 16

Hosi horisehik mai ohin, Laboratóriu Nasionál Saúde halo teste PCR  559,  kompostu vijilánsia sentinela laiha, rastreiu ba kontaku la iha, rastreiu aleatóriu sia, viájen internasionál 550, no follow up iha kuarentena laiha.

Alende ne’e, totál teste PCR ne’ebé halo iha 25 abril 2022   iha munisípiu-sira seluk, hanesan Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 53, Maubisse la iha, Maliana sia, Viqueque la iha , Suai 16, Baucau la iha, Ermera la iha, RAEOA la iha , HNGV  44, Lautém la iha, Vera Cruz la iha Manufahi la iha.

Populasaun elijível tinan 18 ba leten, ne’ebe simu ona vasina to’o iha loron 25 abril 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili hamutuk 86,6% no kumulativu 2ª doze iha Dili ho total 81,5%.

Notísia Relevante:MS koopera mídia divulga informasaun kona-bá programa vasinasaun COVID-19

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,6% no simu ona doze daruak, 72,1%.

Hosi insidénsia COVID-19 iha Timor-Leste, durante loron hitu ikus maka 0,1/100 mil abitante,

Iha loron  26 abríl  2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu baixa ho COVID-19 la iha.

Jornalista: Felicidade Ximenes

Editora    : Armandina Moniz 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here