Konsellu Suku Debos tuir sensibilizasaun iha suku Debos. Imajen Tatoli/Celestina Teles.

COVALIMA, 26 abril 2022 (TATOLI)—Protesaun Sivil Covalima hamutuk ho Servisu Munisipál Jestaun Risku Jestaun no Dezastre Naturál sensibiliza matadalan rekuperasaun uma vítma dezastre naturál ba konselu suku Debos, postu administrasaun Suai Vila, munisípiu Covalima.

“Ami hala’o sensibilizaun ba konsellu suku kona-ba matadalan rekuperasaun uma ba vítima dezastre naturál, nune’e xefe suku ho konsellu suku sira bele hatene matadalan rekuperasaun uma no bele responde ba komunidade afeitadu ba dezastre naturál,” Koordenadór Protesaun Sivil Covalima, Dinis Pereira, hateten ba Agência Tatoli iha sede suku Debos, Bairru Costa, tersa ne’e.

Bazea ba matadalan ba komunidade ne’ebé afetadu ba dezastre naturál tenke kompleta dokumentu sira hanesan Billete Identidade (BI), Kartaun Eleitorál no kartaun xefe família.

Protesaun sivil hamutuk Servisu Munisipál Jestaun Risku Jestaun no Dezastre Naturál realiza sensibilizasaun durante loron rua ne’ebé hahú uluk iha suku Labarai no ba loron ohin hahú iha Suku Debos.

Tuir planu, sei realiza sensibilizasaun ne’e iha suku Ogues, postu administrative Maucatar no suku Maudemo, postu administrativu Tilomar.

Xefe suku Debos, Agostinho da Silva hateten, sensibilizasuan matadalan rekuperasaun uma vítima dezastre naturál ba konsellu suku sira-ne’e importante tanba sira mak sei foti dadus iha terrenu.

“Ha’u hanoin sensibilizasaun ida-ne’e importante ba membru konsellu suku sira tanba bainhira akontese dezastre naturál xefr aldeia no delgadu sira mak sei foti dadus iha terrenu,” nia dehan.

Jornalista : Celestina Teles

Editor       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here