Ekipa DDMC fó apoiu emerjénsia ba vítima inséndiu iha Suku Suai Loro. Imajen/Espesiál.

COVALIMA, 26 abril 2022 (TATOLI)—Ekipa Dirasaun Dezastre Naturál Munisípiu Covalima (DDNMC) kompostu hosi protesaun sivil, Bombeiru no Cruz Vermela, fó ona apoia emerjénsia ai-han no la’ós ai-han ba vítima inséndiu, Lino de Jesus, iha suku Suai Loro, Aldeia Mane-Ikun, postu administrativu Suai, munisípiu Covalima.

Notísia Relevante: Inséndiu iha Suai Loro, sasán uma laran mutuk

“Hafoin akontesimentu ínséndiu ekipa hosi dirasaun dezastre naturál Covalima fó  apoiu emerj’ensia ba vitíma ínséndiu Lino de Jesus hodi fó ai-han no la’ós ai-han iha  suku Suai Loro,” Xefe Departamentu Operasaun no Emerjénsia, José Fátima Xavier, informa ba Agência Tatoli ,iha nia knar fatin, Suai Loro, Covalima, tersa ne’e.

Nune’e mós, ekipa DDMC fó apoiu materiál rekoperasaun uma vítima ínsendiu ne’e la’o hela bainhira mak atu fó apoiu materiál konstrusaun uma ne’e, nia la termina loron maibé depende desizaun hosi nasionál.

“Hafoin apoiu emerjénsia ba vítima, ami la promete ba vítima bainhira mak atu simu materiál konstrusaun uma hanesan anin sobu no ínséndiu ne’e, ita hein de’it prosesu,” nia dehan.

Enkuantu, inséndiu akontese iha aldeia Mane Ikun, suku Suai Loro, postu administrativu Suai Vila, munisípiu Covalima, iha tersa (12/4), maizumenus tuku 11h00 kalan, ne’ebé vítima la konsege salva nia sasán iha uma laran.

Ho akontesimentu ne’e, vítima Lino de Jesus, la salva sasán sira mak hanesan mákina karpintária ho osan $4000-resin, aleinde ne’e mós dokumentu sira hanesan diploma no lisensa negósiu hosi SERVE, I.P no seluk tan.

Tuir dadus hosi ekipa hosi Dirasaun Dezatre Naturál Munisípiu Covalima, hahú fulan-janeiru to’o marsu tinan ne’e, rejista tipu dezastre naturál hanesan anin sobu uma, ínséndiu, inundasaun no rai halai hamutuk 38 ne’ebé hetan ona apoiu emerjensia.

Maibé, nia dehan, tipu dezastre naturál 30 mak sei hetan apoiu materiál konstrusaun uma maibé daudaun ne’e uma ualu (9) de’it mak foin hetan apoiu emerjénsia hosi Governu.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here