Prezidente Aautoridade Munisípiu Dili, Guilhermina Ribeiro. Imajen Tatoli/Antonio Dasiparu

DILI, 26 abril 2022 (TATOLI)—Autoridade Munisípiu Dili (AMD), tuir planu sei mobiliza komunidade hosi postu administrativu lima (5) hodi partisipa selebrasaun 20 maiu no toma pose ba Prezidente Repúblika, José Ramos Horta, ne’ebé sei hala’o iha Tasi-Tolu, Dili.

Notísia Relevante: Governu aloka millaun $1,6 ba serimónia toma pose PR eleitu

“Iha 20 maiu ne’e, ami sei mobiliza komunidade hosi postu administrativu lima (5) hodi partisipa iha selebrasaun 20 maiu no toma pose ba Prezidente Repúblika, José Ramos Horta,” Prezidente Autoridade Munisípiu (PAM) Dili, Guilhermina Filomena Saldanha Ribeiro “Margi”, hateten ba jornalista Agência Tatoli, bainhira partisipa jornada planeamentu, iha Ministériu Finansa Aitarak Laran, Dili, tersa ne’e.

Atividade mobiliza komunidade ne’e ho objetivu atu komunidade sira partisipa eventu toma posse no selebrasaun loron restaurant indpendénsia ba dala-XX (20 mai 2022-20 mai 2022).

Komunidade ne’ebé AMD mobiliza ne’e responsabilidade AMD nian, hanesan haree transporte no haree hahan ba sira, tanba mobilizasaun ne’e AMD hakarak foti sira hanesan reprezentasaun hosi líder lokál no reprezentante veteranu iha baze, entaun hosi postu administrativu lima ne’e foti komunidade kada postu hamutuk 150.

Enkuantu, ba komunidade seluk ne’ebé hakarak partisipa iha selebrasaun 20 maiu no serimónia toma pose, Autoridade Munisípiu Dili laiha responsabilidade.

“Ba ita-nia komunidade seluk ne’ebé mai rasik, ida-ne’e la tama iha ami-nia responsabilidade,” nia akresenta.

Maske nune’e, atividade mobilizasaun ne’e sei hala’o iha 19 abril lorokraik to’o kalan, hodi partisipa iha selebrasaun 20 maiu no toma pose ba Prezidente Repúblika, José Ramos Horta.

Entretantu, komunidade ne’ebé Autoridade Munisípiu Dili mobiliza hodi partisipa iha loron restaurasaun independénsia no toma pose ne’e hosi postu administrativu lima (5) maka postu administrativu Metinaro, Don Aleixo, Cristo Rei, Vera Crúz no Nain Feto.

Jornalista : Nelia Fernandes

Editór      : Cancio Ximenes

 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here