Osan Dolar Amérika. Imajen/Espesiál

DILI, 21 abríl 2022 (TATOLI)–Diretór Jerál Sekretária Estadu Igualdade no Inkluzaun (SEII), Armando da Costa, informa iha trimestre dahuluk (janeiru-marsu) ne’e SEII ezekuta verba Orsamentu Jerál Estadu (OJE) 2022 atinje ona 19%.

 “SEII ezekuta OJE 2022 nian iha trimestre dahuluk to’o loron 31 fulan-marsu 2022 ne’e atinje ona 19% ne’ebé ekivalente ho osan $387,518.20,” Diretór Jerál SEII, Armando da Costa, hateten ba Agência TATOLI, via telefónika, segunda ne’e.

Ezekusaun ba kategoria saláriu no vensimentu atinje ona 16% ne’ebé ekivalente ho osan $89,639.00, bens no servisu atinje ona 26% ne’ebé ekivalente ho osan hamutuk $297,879.20 hosi osan ne’ebé Governu prevee hamutuk millaun $2.

Ba bens no servisu ne’e, SEII ezekuta ona ba viajen lokál, formasaun profisionál no semináriu sira, Encargos de Instalacões, kombustivel, manutensaun ba transporte, materiál fornesimentu eskritóriu, materiál fornesimentu operasionál, manutensaun ba edifísiu, servisu operasionál, asisténsia tékniku no servisu diversu seluk.

Gabinete SEII ezekuta ona 15,5% ho osan $49,124.44 no saldo hela $265,297.04 hosi totál osan orijinál $325,118.00; Dirasaun Jerál ezekuta ona 10,0% ho nia osan $10,383,00, osan hela mak $10,383.00 hosi totál osan orijinál $103,439.00; Dirasaun Nasionál Administrasaun Lojistika no Finansa ezekuta ona 25,3% ho osan $52,198.20, saldo hela $223,590.80 hosi osan orijinál $305,419.00.

Diração Nacional de Abordagem Integrada do Genéro e da capacitação da Mulher ezekuta 13.4% ho nia osan $20,858.00, saldo hela hamutuk $133,536.00 hosi osan orijinál $169,164.00; Gabinete de Inspeção e Auditoria ezekuta ona 2.5% ho osan $1,088.00, saldo hela hamutuk $41,585.00 hosi osan orijinál $42,673.00.

Dirasaun Nasionál Dezenvolvimentu Jéneru ezekuta ona 15.3% ho osan $59,893.25, saldo hela $441,793.75 hosi osan orijinál hamutuk $538,517.00; no Dirasaun Nasionál Politika Jeneru Inklusaun ezekuta ona 28,9% ho osan $98,635.40, saldo hela $385,974.60 hosi osan orijinál hamutuk $543,110.00.

Programa SEII ba tinan 2022 ho totál osan hamutuk millaun $2 hodi sustenta ba programa bo’ot rua (2), ho nia sub-programa ualu (8) no atividade 13.

Alokasaun orsamentu hirak-ne’e tuir kategoria hanesan saláriu no vensimentu $550,991.00; bens no servisu $1,140,059.00; kapitál menór $36,390.00; no transferénsia públika $300,000.00.

Programa segundu nian mak igualdade jéneru no inkluzaun sosiál, ho nia sub-program lima (5) mak hanesan integrasaun kompromisu sira kona-ba igualdade jéneru no inkluzaun sosiál iha programa, lei ho OJE no komunidade jerál; hakbi’it ekonomia feto no komponente vulnerável sira seluk; planeamentu monitorizasaun no avaliasaun; halakon violénsia hasoru feto no labarik feto inklui komponente vulnerável sira seluk; no partisipasaun feto iha polítika no iha nível foti desizaun.

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here