Sekretáriu PSHT Covalima, Damião Amarál, akompaña hosi líder artemarsiál sira seluk. Imajen Tatoli/Celestina Teles.

COVALIMA, 25 abril 2022 (TATOLI)—Sekretáriadu Estadu Juventude no Desportu (SEJD) liuhosi Sub Komisaun Reguladora Arte Marsiál Timor-Leste (KRAM) sei realiza asaun dame ba artemarsiál no arterituál sira-ne’ebè eziste iha munisípiu Covalima.

“Ami konvida artemarsiál no arterituál sira hotu eziste iha Covalima hodi ko’alia preparasaun loron 30 fulan-abril ne’e sei realiza misa hafoin hala’o atividade asaun dame la’o di’ak,” Prezidente Sub-KRAM Covalima, Francisco Barros, hateten ba jornalsita sira hafoin enkontru ho líder artemarsiál no arterituál, iha salaun servisu eduksaun Covalima, segunda ne’e.

Objetivu realiza atividade asaun dame ne’e, atu halibur artemarsiál ho rituál ne’ebè eziste iha Covalima, nune’e ba futuru atu dezenvolve rai ida-ne’e ho termu “Boa viajem konflitu, bem-vindo dezenvolvimentu”. 

“Ita tenke kria asaun dame ida, atu nune’e joven sira-ne’ebè envolve iha artemarsiál no arterituál sira iha unidade hodi haree ba future,” nia dehan.

Molok atu realiza atividade asaun dame ho artemarsiál no arterituál iha loron 19 fulan-abril ne’e halo limpeza iha resintu igreja Ave Suai no iha loron 30 fulan-abril tinan ne’e, realiza atividade asaun dame hahú ho misa. 

Hafoin misa sei realiza palestra hodi rona diskursu ho prezidente KRAM nasionàl no administradór. komandante PNTL Covalima no pároku igreja Ave Maria Suai. 

Sekretáriu artemarsiál Peruruan Setia hati Terate (PSHT) Covalima, Damião Amarál hateten, sira nia prezensa halo preparasaun atu realiza atividade asaun dame iha munisípiu Covalima 

“Ohin, ami mai atu tau hanoin hamutuk prepara atu realiza atividade asaun dame iha loron 30 fulan-abril ne’e. Tanba orientasaun hosi KRAM nasionàl iha loron 30 fulan-abril ne’ebè durante ne’e taka bazea ba dekretu-lei númeru 5/2003 atu reativa fali ninia atividade iha Covalima,” nia dehan.

Asaun dame ba artemarsiál no arterituál organiza hosi Sub KRAM Covalima akompaña hosi KRAM nasionàl liuhosi kompromisu hamutuk organizasaun PSHT, Korka no Kera Sakti no arterituál sira seluk ne’ebè eziste iha Covalima.

Jornalista : Celestina Teles

Editór       :  Cancio Ximenes 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here