Ministru Asuntu Kombatente Libertasaun Nasionál, Julio Sarmento da Costa "Meta Malik". Imajen Tatoli/Francisco Sony

DILI, 25 abril 2022 (TATOLI)–Ministru Asuntu Kombatente Libertasaun Nasionál, Júlio Sarmento da Costa ‘Meta Malik’, hateten, ekipa sei tun hikas ba munisípiu sira, iha tempu badak, hodi kontinua verifika dadus veteranu rejistadu tinan 2009.

“Verifikasaun veteranu tinan 2009 nian, etapa dahuluk hala’o ona iha setembru no outubru 2021. Veteranu ne’ebé rejistadu 124.000 resin, verifika ona 60.000 resin (48%), restante ne’e ekipa sei tun fali ba verifika iha loron 02 maiu 2022,” Ministru informa hafoin hamutuk ho Sekretáriu Estadu Asuntu Kombatente Libertasaun Nasionál, Júlio da Concaição ‘Loro Mesak’, hasoru Primeiru-Ministru, Taur Matan Ruak, iha Rezidénsia Farol, segunda ne’e.

Notísia relevante: Governu verifika dadus veteranu rejistadu 2009 atinje ona 48,3%

Governante ne’e dehan, falta metade maka seidauk verifika, tanba ne’e maka ekipa sira sei esforsu verifika lalais molok tinan ne’e ramata.

“Ita halo esforsu hakarak ka lakohi outubru ka novembru 2022 tenki finaliza ona dadus tinan 2009 nian,” nia subliña.

Bainhira finaliza ona sei haree baze dadus, hafoin lori lista taka fali, hodi haree sé mak merese no la merese.

“Lista sira ne’e lori mai verifika hotu no lori fali naran ba taka. Durante ne’e ema ruma reklama ema ne’e merese ka lae? Hafoin ba taka fulan-tolu foti fali mai taka tan dala-ida maka foin bele tama iha pagamentu,” nia esplika.

Jornalista : Antónia Gusmão

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here