Restu mortál ne’ebé rai ona iha uma-mahon postu Uatulari, tersa (14/12). Imajen TATOLI/Vitorino Lopes da Costa.

DILI, 25 abril 2022 (TATOLI)–Governu liuhosi Ministériu Asuntu Kombatente Libertasaun Nasionál (MAKLN) no Sekretaria Estadu Asuntu Kombatente Libertasaun Nasionál (SEAKLN) planeia ona atu haloot restu mortál hamutuk 1.000 resin iha tinan ne’e nia laran.

“Restu mortál desde tinan 2008 mai to’o agora hamutuk 14.000 resin, hosi totál ne’e iha tinan 2022 bazeia ba planu atu hakoi hamutuk 1.000 resin. Ami halo ezersísiu atu aloka osan hodi halo konstrusaun kampa,” Ministru Asuntu Kombatente Libertasaun Nasionál, Júlio Sarmento da Costa ‘Meta Malik’, hateten hafoin hamutuk ho Sekretáriu Estadu Asuntu Kombatente Libertasaun Nasionál, Júlio da Concaição ‘Loro Mesak’, hasoru malu ho Primeiru-Ministru, Taur Matan Ruak, iha Rezidénsia Farol, segunda ne’e.

Notísia relevante: Governu rekolla ona restu mortál 40.000-resin iha territóriu nasionál

Tanba ne’e, enkontru ne’e hodi koordena molok ramata tinan 2022 tenki haloot restu mortál iha fatin haat ka lima

Restu mortál sira sei haloot iha osuáriu ne’ebé iha ona iha postu administrativu Laga no Quelekai iha munisípiu Baucau, Aileu, Manufahi, no Metinaro, ne’ebé sei gasta hamutuk millaun $2,5.

“Maibé la taka dalan balun tan. Ami halo hela ezersísiu hodi prienxe rekezitu ruma tan, karik la konsege finaliza iha tinan ne’e, tenki halo fali iha tinan oin molok mandatu ramata,” nia akresenta.

Jornalista : Antónia Gusmão

Editora     : Julia Chatarina 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here