Ajénsia Adventista Dezenvolvimentu no Sokorru (ADRA) ho membru sosiedade sivil iha rede feto asina akordu relativamente ba “Projetu Hakbi’it Feto”. Imajen Tatoli/Jesuina Xavier.

DILI, 25 abríl 2022 (TATOLI)–Ajénsia Adventista Dezenvolvimentu no Sokorru (ADRA) ho membru sosiedade sivil na’in-haat iha rede feto, segunda ne’e, asina akordu relativamente ba “Projetu Hakbi’it Feto” ne’ebé mak finansia hosi Uniun Europeia (UE).

Membru rede feto mak hanesan Feto Hadomi Família hosi Ainaro, Unidade Feto Association for Development hosi Baucau, Yayasan Haburas Moris hosi Bobonaro no Grupo Feto Foinsa’e Timor Lorosa’e hosi Dili, ne’ebé atu implementa programa Associação Poupança e empréstimo Suco (VSLA, sigla em inglês)

“Objetivu hosi asina akordu ne’e atu fó formasaun kona-ba jestaun finanseira ba grupu negósiu hamutuk 15, prinsipál ba feto atu bele nesesita nesesidade moris ekonomia família nian. Apoiu finanseira ne’e ajuda sosiedade sivil atu fó formasaun ba grupu feto ba vida negósiu nian iha munisípiu” Diretora Programa ADRA, Marsaulina Pasaribu, ba jornalista sira, iha nia diskursu Caicoli, Dili, Segunda ne’e.

Nia dehan, organizasaun sosiedade sivil bele ajuda feto iha jestaun finansa no rendimentu negósiu hodi aumenta partisipasaun di’ak iha vida ekonomia nune’e responde nesesidade família nian.

Embaixadora Uniun Europeia iha Timor-Leste, Andrew Jacobs, hateten UE apoiu nasaun hotu-hotu inklui Timor-Leste kona-ba igualdade jéneru.

“Uniaun Europeia mak investidór dahuluk ba asuntu igualdade jéneru nian iha mundu ne’ebé sente urgullu hodi apoia Projetu Hakbi’it Feto. Ida-ne’e asaun konkreta hosi UE liuhosi koopersaun institusionál no parseiru sira. Asaun ida-ne’e atu orienta feto atu konkretiza direitu no igualdade jéneru ba sosiedade ne’ebé justa no dinamizmu iha vida ekonomia,” nia dehan.

Prezidente Rede Feto, Zelia Fernandes, hateten UE disponibilza ona osan kuaze rihun $850 liuhosi ADRA Austrália no Timor-Leste ba atividade formasaun ba feto hosi programa VSLA.

Responsável ne’e hatutan, membru na’in-ualu (8) mak hatama dokumentu ba programa refere maibé iha membru na’in-haat (4) mak passa tanba tuir kriteriu hosi ADRA no Rede Feto.

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here