Bandeira Timor-Leste no Cuba. Imajen/Espesiál.

DILI, 23 abríl 2022 (TATOLI)—Komemorasaun aniversáriu kooperasaun Timor Leste no Cuba ba dala-XX ne’ebé hala’o solidariedade karavana marsa internasionál hosi embaixada Cuba to’o iha jardein Prezidente Repúblika B. J. Habibie iha Bidau Santana, Dili.

Sekretáiu Jerál Asosiasaun Amizade Timor-Leste ho Cuba, Heculanos Seixas dos Santos, hato’o mensajen ba Governu Estadu Unidus Amérika kona-ba povu Timor-Leste nia pozisaun kontinua ezije atu hapara no blokeia ekonomiku kontra Cuba.

“Komemorasaun aniversariu dala-20 ba kooperasaun Timor-Leste no Cuba ne’ebé ami hala’o marsa hosi embaixada Cuba mai iha jardin prezidente Habibie hodi hato’o mensajen ba Governu Estadu Unidu Amérika kona-ba povu Timor-Letse nia posizaun kontinua ezije atu hapara no blokeia ekonómiku kontra Cuba. Entaun kooperasaun ida-ne’e ita bele haree ho matan no rona ho tilun katak iha mudansa tanba sira fó formasaun médiku timor-oan hamutuk 1.000,  espesialista timor-oan 40-resin,” Heculanos Seixas dos Santos hateten ba jornalista sira iha jardin prezidente B.J Habibie Bidau, sesta ne’e.

Formasaun sira-ne’ebé Cubanu sira fó iha diferensa área hanesan iha saúde, kultura, desportu , agrikultura no enjineiru no selu-seluk tan.

“Presenza brigada Cubano iha Timor-Leste halo ona mudansa ka alkansa iha área saúde liu-liu melloramentu asesu saúde ba ita-nia nasaun kualidade atendimentu bai ta-nia populasaun no ita konsegue redú problema saúde hanesan redusaun ba tuberkuloze (TBC), redusaun ba má nutrisaun nune’e hasa’e kualidade moris kultura iha Timor-Leste,” nia dehan.

Espesialista timor-oan hamutuk ho Cuba, Indonézia no Papua ne’e seidauk to’o 50, tanba ne’e mak liuhosi Asosiasaun Amizade Timor-Leste no Cuba hatoo nafatin apelu ba na’in-ulun sira fundadór nasaun sira tenke harii institutu ba kardiolojia, neorolojia, kankru, rins atu nune’e bele redús despeza tranferensia moras hosi rai-laran ba rai-li’ur.

“Tanba ne’e mak ita husu ba na’in-ulun sira tenke hapar ho rekursu umanu, haruka médiku timor-oan ba eskola iha rai-li’ur atu nune’e bele fila mai sai espesialista hodi bele trava transferénsia moras ba rai-li’ur no fó kualiadade tratamentu ba komunidade no hasa’e konfiansa sistema saúde ba povu, no ita bele ona tanba kooperasaun tinan 20 ho Cuba ita bele kaer rasik ita-nia kuda talin,” nia dehan.

Tuir nia, to’o agora espesialista timor-oan seidauk sufisiente hodi koloka ba iha ospitál rejionál lima, tanba ne’e nia husu Governu atu haruka médiku timor-oan ba eskola iha rai-li’ur hodi hasa’e kapasidade sai espesialista, fila mai hasa’e sistema saúde iha rai laran iha ospitál rejionál no ospitál nasionál sir abele iha médiku espesialist.

Enkaregada Negósiu iha Embaixada Cuba iha Timor-Leste, Yudith Sanches Espinoza hateten ativiadade ida-ne’e hanesan solidadridade hamutuk ho estudante Cuba iha Timor-Leste hodi hatán ba estadu unidu ne’ebé mak blokeia ekonómiku kontra Cuba.

“Ami-nia presenza iha Timor-Leste durante ne’e koopera di’ak ho médiku timor-oan hodi apoiu sistema saúde ba povu Timor-Leste ho di’ak,” Yudith Sanches Espinoza esplika.

Iha atividade marsa ne’e partisipa hosi Membru Asosiasaun Amizade Timor-Leste Cuba, Estudante medisina hosi universidade Timor Lorosae (UNTL), membru asosiasaun antigu alunu Cuba, eskola superiór medisina no diretór kolaboradór médika Cubano.

Jornalista : Felicidade Ximenes

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here