Diretór Jerál STAE, Acilino Manuel Branco. Imajen TATOLI/António ‘Dasiparu’ Gonçalves.

DILI, 22 abríl 2022 (TATOLI)–Diretór Jerál Skretariadu Tékniku Administrasaun Eleitorál (STAE), Acilino Manuel Branco, informa tasa partisipasaun iha eleisaun primeira volta tun 2% hosi segunda volta 6%.

“Apuramentu munisípiu rejiaun ne’ebé ita prodús ona reultadu provizóriu ida iha nível nasionál mak iha 75.17% ne’e ita kompara ho primeira volta menus ka tun 2% hosi primeira volta 77.26%,” Diretór STAE hateten ba Agência TATOLI, via telefóniku, ohin.

Nia hatutan seidauk bele fó sai kompletu hosi tasa partisipsaun menus ka tun tanba sei halo apuramentu nasionál iha CNE depois mak bele fó sai nia rezultadu loos no tanbasá mak tun.

“Ida-ne’e sei provizóriu hela ita seidauk bele hateten rezultadu finál tanba prosesu balun sei la’o hela,” nia dehan.

Totál votu válidu 325,123 (98.98%), votu nulu 2,519 (0.77%), votu rezeitadu 12 (0.00%), votu branku 692 (0.21%), totál votu reklamandu 119 (0.04%) no votu abandonadu 9 (0.00%).

Tuir dadus informasaun eleitór hatudu totál votante rejista hamutuk 859,925 (100%), partisipasaun 328,474 (38.20%) kompostu husi mane 169,474 (51.59%) no feto 159,001 (48.41%).

Iha apuramentu nasionál, STAE konklui kandidatu Prezidente ho númeru sorteiu ida, José Ramos Horta ho votu 397.145 (62.09 %) no kandidatu ho númeru sorteiu rua, Francisco Guterres Lú Olo ho votu 242.440 (37.91%).

Totál eleitór hamutuk 859.692 no totál votante iha segunda volta hamutuk 646.389.   

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here