Vensedór kompetisaun biblioteka dijitál, Nelson Amaral (hatais faru ajul kaer sertifikadu). Imajen/Fundaun Hadomi Timor.

DILI, 22 abril 2022 (TATOLI)—Diretór Ezekutivu Sentru Formasaun Fundasaun Hadomi Timor, Abrão Monteiro Nelson Amaral, informa kompetisaun biblioteka dijitál ne’ebé Fundasaun Hadomi realiza ba joven Timor-Leste ne’e, juventude ida hosi Munisípiu Viqueque mak sai vensedór.

Notísia Relevante: Fundasaun Hadomi Timor loke kompetisaun biblioteka dijitál ba públiku

“Ita-nia vensedór ba kompetisaun biblioteka dijitál mak Nelson Amaral hosi Viqueque,” Diretór Ezekutivu, Sentru Formasaun Fundasaun Hadomi Timor, Abrão Monteiro, hateten ba Agêbcia Tatoli, iha nia knar fatin, Faról, Díli, sesta ne’e.

Iha kompetisaun biblioteka dijitál ne’e iha konkorente na’in-lima (5) mak compete maibé kompetisaun ne’e laiha faze meiu final no final, maibé Fundasaun Hadomi Timor halo de’it avaliasaun.

Rezultadu avaliasaun ne’e hatudu katak, Fundasaun Hadomi Timor husu sira atu kria sistema ida hodi bele fornese informasaun sira, liu-liu livru, matéria, no tutoriál sira-ne’ebé liga ba estudante sira-nia nesesidade.

“Entaun, biblioteka dijitál ne’e ami haree liubá nia konteúdu hosi sistema ne’e, katak konteúdu ne’e bele responde duni hanesan biblioteka ka la’e no ita atu hafasil de’it katak iha biblioteka manuál ne’e ita bele tau livru atu ema mai asesu hodi lee maibé ema tenke direta mai fatin. Maibé, ba biblioteka dijitál ne’e, halo fali biblioteka ne’ebé ho online, hanesan ema bele asesu iha ne’ebé no bainhira de’it ho plataforma saida de’it. Entaun, kontiudu ne’ebé ami atu haree ne’e, konteúdu ne’ebé iha ligasaun direta ba iha livru sira, iha nia template sira-ne’ebé iha nesesidade duni ba biblioteka nian,” Diretór ne’e esplika.

Maske nune’e, nia afirma, Nelson Amaral sai vensedór ba kompetisaun biblioteka dijitál ne’e, tanba haree hosi nia template no plagin.

“Tanba, kompetisaun ne’e ami haree liubá nia template, plagin no haree mós ba nia konteúdu informasaun. Tanba, ami iha kritéria ida katak, sira tenke fornese matéria ne’ebé liga ba ICT no sira tenke kria rasik matéria mínimu 15. Entaun, hosi konteúdu ida-ne’e nia mak konsege halo matéria liu 15 no nia konsege halo template no plagin sira. Plagin ezemplu, oinsá estudante sira atu tama biblioteka dijitál no fasil atu download,” nia dehan.

Vensedór Nelson Amaral sente kontente, tanba nia bele sai manán-na’in iha kompetisaun biblioteka dijitál ida-ne’e, tanba biblioteka dijitál ne’e foin realiza dahuluk hosi Fundasaun Hadomi Timor.

Matéria 15 ne’ebé nia tau ba template mak neet working, website, seguransa bázika no introdusaun jerál ICT.

Prezente ba manán-na’in mak simu prémiu Tablet Samsung Tab A hosi Fundasaun Hadomi Timor.

Jornalista : Nelia Fernandes

Editór        : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here