Tékniku EDTL halo instalasaun eletrisidade iha área Bebora, Dili. Imajen TATOLI/António Gonçalves

COVALIMA, 22 abril 2022 (TATOLI)—Xefe unidade EDTL, E.P Covalima, Alexandre Seran, informa komunidade iha Covalima falta de’it suku hitu (7) mak seidauk asesu ba enerjia eletrisidade.

“Iha munisípiu Covalima suku hitu (7) mak seidauk asesu enerjia eletrisidade, maibé ami-nia tékniku sira halo ona inspesaun ba iha terrenu hodi identifika suku ne’ebé mak seidauk asesu eletrisidade hodi haree fatin atu halo retenderizasaun,” Xefe Unidade EDTL, E.P Covalima, Alexandre Seran, hateten ba jornalista sira iha nia knar fatin, Bairru Costa, sesta ne’e.

Bazea ba dadus hosi Eletrisidade Timor-Leste Empreza Públiku (EDTL.EP) katak, Munisípiu covalima suku hamutuk-30 hosi nímeru ne’e, komunidade suku 23 mak asesu ona enerjia eletrisidade, falta de’it suku hitu (7) mak seidauk asesu ba enerjia eletrisidade.

Maske nune’e, Tékniku Eletrisidade Timor-Leste Empreza Públiku (EDTL.EP) halo ona inpesaun identifika suku sira-ne’ebé mak seidauk asesu enerjia eletrisidade, nune’e haruka dadus ne’e ba iha nasionál.

“Ita haree mós ba orsamentu no ita haree ida suku ne’ebé mak prioridade atu asesu uluk enerjia eletrisidade agora la’o daudaun ne’ebé prioridade ba suku sira maibé seidauk haree ba aldeia sira,” nia dehan.

EDTL atu halo instalasaun prosesu konkursu realiza iha nasionál maibé Tékniku Eletrisidade Timor-leste empreza públika (EDTL-EP) iha munisípiu Covalima akompaña, kompaña ne’ebé mak manan konkursu hodi halo instalasaun iha terreñu.

Suku hitu ne’ebé seidauk asesu ba liña eletrisidade mak hanesan suku Lour, Fatumea Vila, Dato-Tolu no suku Dato-Rua, enkuantu suku Laktos, Mape no Usecai agora prosesu servisu la’o hela iha terrenu.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here