Xefe Sentru Saúde Balibo, Manuel Mau-Laca da Cruz. Imajen Tatoli/Sérgio da Cruz.

BOBONARO, 21 abril 2022 (TATOLI) – Xefe Sentru Saúde Balibo, Manuel Mau-Laca da Cruz, fó-sai katak estudante idade tinan 12 to’o 17 iha postu administrativu Balibo, munisípiu Bobonaro hamutuk na’in-1,781 mak simu ona vasina Pfizer doze dahuluk hodi aumenta uminidade isin luta kontra pandemia Covid-19.

Molok  implementa programa ne’e, pesoál saúde sira mós halo uluk advokasia ba inan-aman, profesór eskola no líder komunitáriu sira hodi eklerese efeitu pozitivu no vantajen hosi vasina Pfizer ne’e rasik.

“Ami rejista estudante ne’ebé ita enumera direita ba iha eskola 24 kompostu hosi EBF, EBC no sekundária ida iha Balibo to’o agora ira hamutuk na’in-1,781 mak simu ona vasina doze primeiru,” nia informa ba Tatoli, iha Maliana, sesta ne’e.

Nia dehan, ho atinjimentu númeru ne’e parte saúde nia haree, partisipasaun estudante ne’e durante ne’e másimu tebes liuhosi motivasaun inan-aman sira hodi asina karta konsentimentu atu haruka oan sira simu vasina.

“Labarik sira alvu ladún barak ida, hanesan iha suku Cowa iha na’in-10 no balu besik na’in-10, maibé ami husu inan-aman sira nafatin koopera ho ami atu ita-nia oan sira-ne’e bele simu hotu vasina, tanba vasina ne’e atu proteje labarik sira hosi Covid-19,” nia hateten.

Jornalista   : Sérgio da Cruz

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here