Diretór Jerál Administrasaun Finansa no Planeamentu hosi MTKI, Cristiano Moura de Carvalho. Imajen Tatoli/Arminda Fonseca

DILI, 21 abril 2022 (TATOLI)—Ministériu Turizmu Komérsiu no Indústria (MTKI) ezekuta ona Orsamentu Jerál Estadu (OJE) 2022 ho montante $1.434.050,32 (4,2%) iha trimestre dahuluk (janeiru to’o marsu) hosi totál orsamentu alokadu $56.003.356.

“Iha trimestre dahuluk ita ezekuta ona $1.434.050,32, kompostu hosi saláriu no vensimentu $446.926,23 (24,55%), bens no servisu $982.249,09 (5,81%), transferénsia públika $4.000 (5,62%), enkuantu kapitál dezenvolvimentu ita seidauk ezekuta tanba sei iha faze preparasaun,” Diretór Jerál Administrasaun Finansa no Planeamentu hosi MTKI, Cristiano Moura de Carvalho, informa ba Agência Tatoli, iha ninia knaar fatin, Bebora, kinta ne’e.

Notísia relevante: MTKI aprezenta jornada rezisténsia ba autoridade no veteranu iha Viqueque

Hosi totál alokasaun orsamentu tinan ne’e ba MTKI, fahe ba saláriu vensimentu $1.919.184, bens servisu $46,519,810,39, transferénsia públika $6.184.041,61, no kapitál dezenvolvimentu $1.142.000.

Aleinde ne’e, obrigasaun $604.155,66, kompromisu $1.109.987,83, atuál $1.434.050,32, naun obrigasaun $53.965.150,02 no balansu $52.855.162,19.

MTKI iha estimasaun forsa traballu ba tinan 2022 rasik hamutuk 639, kompostu hosi feto 243 no mane 396 inklui funsionáriu kargu diresaun no xefia 76.

Orsamentu ne’ebé aloka ba programa tolu hanesan boa-govenasaun no jestaun instituisionál, turizmu no investimentu no diversifikasaun ekonómik, inklui sub-programa 15, no atividade 57.

MTKI nu’udar departementu governamentál ne’ebé responsável ba konsensaun, ezekusaun, koodenasaun, no avaliasaun ba polítika ne’ebé define no aprova hosi Konsellu Ministru iha área turizmu ba atividade ekonómika, komérsiál no indústria.

Jornalista : Arminda Fonseca

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here