Prezidente Konsellu veteranu. Vidal de Jesus "Riak Leman". Imajen Tatoli/Francisco Sony.

DILI, 21 abríl 2022 (TATOLI)—Prezidente Konsellu Kombatente Libertasaun Nasionál (CCLN-sigla portugés), Vidal de Jesus “Riak Leman”, hateten to’o agora MAKLN seidauk bele halo fiskalizasaun ba konstrusaun uma veteranu 20-24 tanba problema orsamentu.

Notísia Relevante: Governu sei konstrui uma 30-resin ba veteranu grau 15-19

“Kona-ba progresu kontrusaun uma ba veteranu 20-24 nian ne’e, ami organiza ona hodi tuun ba terrenu atu haree nia progressu sira problema orsamentu, entaun ita para,” Riak Leman hateten ba Agência TATOLI via telefónika, kinta ne’e.

Aleinde problema osan, nia dehan, hasoru hela eleisaun prezidensiál ba Prezidente Repúblika 2022-2027 entaun ema ba halo kampaña no eleisaun ne’e realiza ba segunda volta.

“Ita hanoin to’o agora prosesu konstrusaun uma veteranu ne’e labele la’o maibé iha balun ne’ebé konstrui hela,” nia dehan.

Maibé iha VIII Governu Konstitusionál liuhosi Ministériu Asuntu Kombatente Libertasaun Nasionál (MAKLN) inaugura ona uma ba veteranu Agostinho Sarmento ‘Mau Tino’ iha postu administrativu Same, munisípiu Manufahi.

“Ministru Júlio Sarmento ‘Meta Malik’ ho ha’u rasik, ami inaugura ona uma ba veteranu saudozu ‘Mau Tino’ iha Same no entrega ona ba nia espoza no oan na’in-rua no veteranu Afonso Malibuti iha postu adminiatrativu Metinaro, munisípiu Dili,” nia informa.

Antes ne’e, Governu prevee osan hamutuk millaun $2,4 no kada veteranu hetan $4,000 ba veteranu sira-ne’ebé luta tinan 20-24 iha ai-laran hamutuk na’in-98 no hosi ema hirak ne’e barak liu mak hosi rejiaun I Lospalos, tuir mak rejiaun II Viqueque, Baucau no seluk tán.

Notísia Relevante: MAKLN relata konstrusaun uma veteranu ba Prezidente Repúblika

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here