Prosesu sura votus iha sentru votasaun paralelu Eskola Tekniku Vokasional (STM) Becora. Foto Tatoli/Mirandolina Barros Soares

DILI, 19 Abril 2022 (TATOLI)—Kandidatu Prezidente Repúblika període 2022-2027 ho número sorteiu rua (2), Francisco Guterres Lú Olo, manán ho votu 584 iha sentru votasaun paralelu Eskola Tekniku Vokasional (STM) Bekora ba Eleisaun Presidensial segunda volta. Parte seluk, kandidatu no número sorteiu ida (1), José Ramos Horta hetan votu 409.

“Total votantes ne’ebé vota iha sentru votasaun paralelu Eskola STM Becora iha 1.005, kompostu husi mane  482 no feto iha 523. Lista refere bazeia ba votantes ne’ebe tuir elisaun. Ita halo komparasaun partisipasaun votantes iha Primeira volta barak liu duke segunda volta,” hateten Domingas Soares, nu’udar Brigada Paralelu STM Bekora husi Sekretariat Tekniku Administrasau Estatal (STAE), ba jornalista iha Becora Dili, tersa ne’e.

Notisia relevante : Sentru votasaun paralelu ajuda tebes estudante sira

Nia dehan, husi rezultadu votu hatudu Francisco Guterres Lú Olo, hetan votus  584 no José Ramos Horta hetan votu 409. Parte seluk, iha mos votu nulu 12,  husi total votantes 1.005.

Sentru votasaun paralelu STM Bekora hetan observasaun husi observadór nasionál, internasionál, fiskál husi kandidatu sira, brigadista, ofisial eleitorál husi STE  no Komisaun Nasionál ba Elisaun (CNE, sigla portugés) no hetan seguransa másima husi Polísia Nasionál Timor- Leste (PNTL).

Eleitór husi munisípiu tolu mak vota iha  sentru votasaun paralelu STM Bekora, hanesan, Viqueque, Baucau no Lautem. Eleitór  ne’ebé rejista bazeia ba lista iha primeira volta iha  1. 641.

Sekretariadu Tékniku Administrasaun Eleitoral (STAE) rejista 859.613 Eleitor elejível iha territóriu nasionál no díaspora. Eleitor ne’ebé rejista iha nível nasionál hamutuk 852.500, no 7.113 husi  diaspora.

Jornalista : Mirandolina Barros Soares

Editor : Armandina Moniz

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here