Kandidatu Prezidente Repúblika hosi Partidu CNRT períodu 2022-2027, José Ramos Horta. Imajen TATOLI/Francisco Sony

DILI, 19 abril 2022 (TATOLI) – Rezultadu provizóriu apuramentu husi STAE iha tuku 20:30 kalan ne’e hatudu katak Kandidatu Prezidente númeru sorteiu 1, José Manuel Ramos Horta lidera ho 58.45%.

Tuir observasaun direita TATOLI iha edifísiu Sekretariadu tékniku administrasaun eleitorál (STAE) hatudu katak rezultadu husi kandidatu ho sorteiu númeru ida (1), José Ramos Horta, totál votante husi munisípiu 12, Rejiaun autónoma espesiál Oe-cusse Ambeno (RAEOA) no diaspora hamutuk 44. 457.

Enkuantu kandidatu ho númeru sorteiu rua (2), Francisco Guterres ‘Lú Olo’ hetan votu ho persentajen hamutuk 40.98% husi votante na’in 30. 865.

Dadus ne’ebé TATOLI asesu, totál Ata ne’ebé iha hamutuk 1.200. Husi númeru ne’e, total Ata dijita ona hamtuk 183 no ata 1.017 seidauk dizita ka sei iha prosesu.

Totál votu nulu 600, votu rezeitadu rua (2), votu branco 152, totál votu reklamadu 22 no votu abandonadu rua (2).

Tuir dadus Informasaun Eleitór hatudu katak totál votantente rejistadu hamtuk 859.925. Partisipasaun 76.100 kompostu husi Mane 39.347 (51.70%) no Feto 36.753 (48.30%).

Rezultadu apuramentu provizóriu husi 12 munisípiu, RAEOA no diaspora.

Jornalista: José Belarmino De Sá

Editór: Rafy Belo

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here