Kandidatu PR, J Imajen Tatoli/Antonio Daciparu

BOBONARO, 19 abríl 2022 (TATOLI) — Kandidatu Prezidente Repúblika períodu 2022-2027 ho númeru sorteiu ida (1), José Ramos Horta, hetan votu 640 iha sentru votasaun sede aldeia Loloa, suku Holsa, postu administrativu Maliana, munisípiu Bobonaro.

Entretantu iha sentru votasaun Loloa ne’e kandidatu ho númeru sorteiu rua (2), Francisco Guterres Lú Olo, hetan votu 191. Enkuantu iha sentru votasaun refere ema-ne’ebé vota hamutuk 840.

Maibé tuir kontajen ofisiál hosi Sekretariadu Tékniku Administrasaun Eleitorál (STAE) rejista totál votu nulu hitu no branku rua.

Enkuantu tuir dadus iha eleisaun volta dahuluk iha loron 19 fulan-marsu liubá rezultadu kontajen hatudu kandidatu Prezidente Repúblika númeru sorteiu (1) Jose Ramos Horta manán ho votu 433 no kandidatu númeru sorteiu (2) Fransisco Guterres Lú Olo hetan votu 107.

Durante prosesu kontajen iha Sentru votasaun ne’e hetan observasaun hosi fiskál kandidatu na’in-rua, Komisaun Nasionál ba Eleisaun (CNE, sigla portugés) no seguransa hosi Polísia Nasionál Timor- Leste (PNTL).

Tuir dadus hosi Sekretariadu Tékniku Administrasaun Eleitorál (STAE) eleitór munisípiu Bobonaro ne’ebé partisipas iha eleisaun prezidensial períodu 2022-2027 ne’e hamutuk na’in 70,283, ho totál sentru votasaun 130 no estasaun votasaun 150, ne’ebé envolve brigadista na’in-150 no ofisiál eleitorál na’in-1,500.

 Jornalista   : Sergio da Cruz

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here