Kandidatu Prezidente Repúblika hosi Partidu CNRT períodu 2022-2027, José Ramos Horta. Imajen TATOLI/Francisco Sony

DILI, 19 abril 2022 (TATOLI)–Kandidatu Prezidente Repúblika (PR) hosi Partidu Congresso Nacional de Reconstrução de Timor (CNRT) períodu 2022-2027, ho númeru sorteiu 01, José Ramos Horta, hetan votu maioria ho totál 1.640 iha sentru votasaun estabelesidu rua iha Bemori.

Enkuantu, Kandidatu PR hosi Partidu Frente Revolucionária do Timor-Leste Independente (FRETILIN), ho númeru sorteiu 02, Francisco Guterres ‘Lú Olo’ hetan votu 872.

Brigada Sekretariadu Tékniku Administrasaun Eleitorál (STAE) iha sentru votasaun sede suku Bemori, Agostinha Jenifer, informa, totál buletin votu ne’ebé sira simu iha kada estasaun votu la hanesan, hosi estasaun votu primeiru totál buletin votu hamutuk 1.052, maibé uza 623 no la uza 429, enkuantu iha estasaun votu segundu, buletin votu ne’ebé simu hamutuk 1.059, uza 680 no la uza 379.

“Hosi buletin votu válidu ne’ebé votante sira ezerse iha eleisaun segunda volta iha sentru votasaun sede suku Bemori ne’e hamutuk 1.109 no votu válidu ba Ramos Horta hamutuk 656 no Lú Olo hetan de’it 440,” Brigada STAE hateten iha sentru votasaun sede suku Bemori, tersa ne’e.

Notísia relevante: Suku Lauana, Ramos Horta hetan votu maioria

Iha sorin seluk, sentru votasaun Eskola Duque de Caxias Bemori nian, totál buletin votu ba estasaun votu númeru 1 hamutuk 1.056, boletin válidu 878, La uza 178.

Enkuantu, estasaun votu segundu, totál buletin votu ne’ebé simu hamutuk 1.053, válidu 544 no la uza 509.

“Hosi totál buletin votu ne’ebé uza iha estasaun votu rua iha Eskola Duque de Caxias ne’e hamutuk 1.422. Portantu kandidatu númeru 01 José Ramos Horta maka hetan votu boot ho totál 984 no kandidatu númeru 02 Lú Olo hetan votu 432,” nia akresenta.

Hosi totál buletin votu válidu iha sentru votasaun rua suku Bemori ne’e hatudu katak Kandidatu PR Horta hetan votu 1.640 no Lú Olo hetan votu 872.

Jornalista : Tomé Amado

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here