Diretór Jerál STAE, Acilino Manuel Branco. Imajen TATOLI/Egas Cristóvão

DILI, 18 abríl 2022 (TATOLI)—Diretór Jerál Sekretariadu Tékniku Adminitrasaun Eleitorál (STAE), Acilino Manuel Branco, informa hafoin distribui tiha ona materiál eleisaun iha 13 abríl, STAE-CNE  hamutuk ho Impreza Nasionál Timor-Leste (INTL) destroi ona buletin votu ba eleisaun segunda volta ne’ebé fo’er no aat.

Notísia Relevante: INTL finaliza produsaun bulletin votu ba eleisaun segunda volta

“Horisehik, ami STAE hamutuk ho CNE inklui INTL ne’ebé akompaña hosi Polísia Nasionál Timor-Leste (PNTL), ne’ebé ita destroi ona buletin votu segunda volta nian ne’ebé foer no aat bainhira iha prosesu produsaun ne’e tesi iha gráfika nasionál ne’e, hodi destroy iha Tibar iha munisípiu Liquiça nian,” Acilino Branco hateten ba Agência TATOLI, iha nia knaar fatin STAE Caicoli, Dili, segunda ne’e.

Tanba tuir nia, depois produsaun ne’e surat-tahan ne’ebé tesi no aat nian barak bainhira ekipa halo verifikasaun ba bulletin votu no identifika balun foer no iha altura ne’ebá laiha surat-tahan ida mak sai hosi INTL aleinde ida haruka mai STAE.

“Depois ita halo akta ida katak materiál sira-ne’e ita halo ona destroisaun iha Tibar no ba buletin primeira volta nian ita destroi tiha ona,” nia dehan.

Antes ne’e, Diretór Jerál STAE ne’e hateten tanba eleitór iha Timor-Leste hamutuk 900.000-resin entaun INTL prodús ba livru buletin votu ne’e hamutuk 19.000-resin no kada livru iha folla 50, tanba ninia prosesu ne’e tenke imprime ho númeru eleitór sira iha kada suku. 

Notísia Relevante: Gráfika Nasionál konklui ona emprime buletin votu ba eleisaun prezidensiál 2022

Jornalista : Osória Marques

Editór       : Cancio Ximenes 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here