Arsebispu Arkidioseze Metropolitana Dili, Don Virgílio do Carmo da Silva. Imajen Tatoli/Francisco Sony.

DILI, 16 abríl 2022 (TATOLI)—Arsebispu Arkidiozese Metropolitana Dili, Don Virgílio do Carmo da Silva,  hateten ho Jesus Nia moris hias lori momentu ida ba sarani sira iha Timor-Leste no iha ne’ebé de’it hodi hafoun ida-idak nia an.

Notísia Relevante: Don Virgílio: “Semana Santa tempu atu perdua malu”

“Iha kalan páskua ninian hanesan anju nia liafuan ba feto hirak ne’ebé dadeersan nakukun ba iha Jesus nia rate nune’e, keta ta’uk maibé foti imi-nia matan no ulun hodi hateke no haree katak Jesus moris hias duni ona. Se ita-nia fuan sei malirin la haree, keta halo ita-nia fiar mak seidauk to’o ne’ebá maibé ita reza husu ba jesus kalan ida-ne’e hodi tempu páskua ne’e bele sai duni momentu ida ba ita hotu, hodi hafoun dala ita tan ita-nia moris hodi foti ita-nia ulun no matan buka Maromak nia vontade mak ita ida-idak nia santidade,” Don Virgílio do Carmo da Silva haklaken liuhosi omilia bainhira selebra misa paskál sábadu kalan iha Igreja Katedrál, Dili, sábadu

Selebrasaun Jesus Nia moris hias mak halakon nakukun sira-ne’ebé hamihis sarani sira-nia fiar, tanba dalabarak sarani sira ta’uk no hakruuk ho razaun tanba dalaruma fiar sei mihis ka ki’ik bainhira ko’alia kona-ba Jesus Nia moris.

Iha momentu (sábadu) kalan ida-ne’e kmanek liu hotu tanba hanoin kona-ba mistéiru boot Nai Jesus Kristu  nia terus no mate nia resureisaun mak resposta katak Jesus manán tiha ona hosi Nia moris hias.

“Bainhira ko’alia kona-ba dadeersan nakukun kalan ninian ne’ebé falun umanidade, halakon esperansa no iha tempu barak halo ema haree ba moris mak ne’e de’it, mate hotu ona laiha tan sentidu ba moris. Maibé iha dadeersan ida-ne’e fó fila-fali esperansa mosu naroman ida nakukun iha hela ema-nia hanoin kona-ba mate mak ba rohan buat hotu maibé naroman fó fali sentidu ba iha umanidade. Tan ne’e, ita haree katak feto hirak ne’e halo saida, sira halai ba rate hetan rate mamuk Jesus laiha ne’eba fatuk ne’ebé taka nakloke,” nia dehan.

Tan ne’e, tuir nia, ida-ne’e ahnesan simbolu separasaun mundu ida mate no moris ninian, katak nakukun ninian hotu ona no Jesus mai lori moris ba mundu foun ba iha umanidade.

Durante tribun páskua ita ko’alia ona beibeik kona-ba Maromak nia domin boot mak Nain Jesus Kristu simu terus no mate, nune’e foti sarani sira-nia neon no oin hateke ba leten naroman mai ona, laiha tan ona buat ne’ebé hamate ema-nia problema, difikuldade hotu ne’ebé ema hetan maibé naroman ne’ebé Jesus lori mai halakon tiha ona nakukun.

“Jesus nia moris tomak iha rezumu ho verbu ida amar atu hadomi. Nune’e, ho matan fiar mak ita bele komprende kona-ba pasajen mundu ida-ne’ebé Maromak ninian. Jesus rasik dehan ksolok ba ema-ne’ebé laran moos, basá sira sei haree Maromak no ema laran moos mak la’ós ema ne’ebé finjidu, la’ás ema falsu maibé ema ne’ebé laran moos mak buka duni moris iha Maromak ninia grasa,” Don Virgílio hateten.

Nune’e, iha tempu kuarezma sarani sira hakaas an halo renunsia hanesan loron 40 santa kreda husu sarani ida-idak halo peniténsia, karidade no harohan ho nia folin konvida sarani sira atu haree sentidu moris Jesus nian ne’ebé mai no hanorin doutrina barak halo ema admira.

Entertantu, partisipa iha misa ne’e atuál Prezidente Repúblika, Francisco Guterres ‘Lú OLo, ho  nia espoza nomós sarani atus barak mak partisipa misa paskál ida-ne’e.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here