Administrór postu administrativu Ossu, munisípiu Viqueque, Sebastião Pereira Pires. Imajen TATOLI/Vitorino Lopes da Costa.

VIQUEQUE, 16  abríl 2022 (TATOLI) – Mini kampaña kandidatu Prezidente Repúblika Francisco Guterres ‘Lú Olo’ no José Manuel Ramos Horta ne’ebé hala’o hosi ekipa susesu sira iha postu administrativu Ossu, munisípiu Viqueque la’o ho hakmatek.

Situasaun ne’e observa hosi Administradór postu administrativu Ossu, munisípiu Viqueque, Sebastião Pereira Pires, tanba ekipa susesu sira fó koñesimentu ba autoridade lokál sira, parte seguransa no ekipa sira mós iha koñesimentu ba malu.

“Atividade mini kampaña hosi kandidatu Prezidente Repúblika Lú Olo no José Ramos Horta, iha postu Ossu la’o ho hakmatek. Ekipa susesu hosi kandidatu na’in-rua mós fó koñesimentu mai ha’u.  Ha’u mós koordena ho parte polísia hodi asegura atividade mini kampaña,” Sebastião Pereira Pires, informa ba Agência Tatoli, iha Ossu, sábadu ne’e.

Nia husu ekipa kandidatu sira hala’o mini kampaña tenke ko’alia maka programa kandidatu Prezidente Repúblika nian ba komunidade sira, labele insulta malu.

“Ha’u mós rekomenda ba ekipa susesu sira hosi kandidatu na’in-rua nian, halo atividade mini kampaña karik ko’alia programa ba komunidade sira, labele insulta malu no labele sadik malu. Iha loron 16 abríl ekipa hosi kandidatu na’in-rua nian iha postu Ossu fó hatene mai ha’u sira halo atividade dor to dor hodi tama sai uma atu konvense eleitór sira,” nia informa.

Nia husu xefe suku sira iha Ossu fó hanoin ba komunidade sira kria pás no unidade nune’e atividade mini kampaña ne’ebé lidera hosi ekipa susesu kandidatu prezidente repúblika la’o ho susesu.

“Sé karik ekipa susesu hosi kandidatu na’in rua  nian maka  mosu  iha suku karik simu, labele halo insulta malu.

Jornalista   : Vitorino Lopes da Costa

Editora       : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here