Komandante PNTL Munisípiu Covalima, Superintendente Basílio de Jesus. Imajen Tatoli/Celestina Teles.

COVALIMA, 15 abril 2022 (TATOLI)—Komandu Polisía Nasionál Timor-Leste (PNTL) Covalima sei garante seguransa ba komunidade ne’ebé atu ezerse sira-nia direitu votu iha sentru votasaun ba eleisaun prezidensiál segunda volta.

Notísia Relevante: Autoridade Covalima apela komunidade partisipa másima iha eleisaun segunda volta

Komandante PNTL Covalima, Superintendente Basilio de Jesus hateten, komunidade labele duvida tanba PNTL prontu garante seguransa ba eleitór sira-ne’ebé ezerse sira-nia direitu votu iha eleisaun prezidensiál ba segunda volta iha 19 abríl 2022.

“Ba seguransa lalika duvida, tanba primeiru ita garante katak ita-nia servisu sekreta la’o hela hodi halo analiza ba parte hotu ninia indikasaun ameasa to’o agora seidauk iha. Se loron ne’e mosu ameasa, ita responde imediata no ita lalika duvida ba Covalima tanba buat ki’ik ida,”  Komandante PNTL Covalima, Superintendente Basilio de Jesus hateten ba Agéncia Tatoli, iha salaun STAE Covalima, Kampung Baru, sesta ne’e

PNTL Covalima sei garante seguransa ba sidadaun sira durante ezerse sira-nia direitu votu no sidadaun ida sei la estroi situasaun durante prosesu eleisaun prezidensiál segunda volta la’o iha sentru votasaun sira.

“Ema Suai-Covalima nia karáter mesak di’ak laiha ema ida mak atu hali situasaun la estavel. Nune’e, iha segunda (18/4) ita sei distrbui materiál sensitivu ho la’ós sensitivu no iha tersa   (19/4) realiza eleisaun,” nia dehan.

Entertantu, membru Polisía Nasionál Timor-Leste (PNTL) iha munisípiu Covalima hamutuk na’in-158 ne’ebé reforsa mós hosi Unidade Polisía Fronteira (UPF) na’in-35, Unidade espesiál na’in-10, unidade marítima na’in-neen (6), apoiu hosi komandu jerál na’in-14 hodi destaka ba iha sentru votasaun sira iha Covalima.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here