Ospitál MRCCC Siloam Jakarta Indonézia. Imajen Google.

DILI, 14 abríl 2022 (TATOLI)– Xefe Departamentu Apoiu Ospitalár no Enkaminamentu Ministériu Saúde, Emelita Augusta, relata durante fulan-janeiru to’o marsu 2022 ne’e konsege transfere ona pasiente hamutuk ema na’in 103 hodi bá halo tratamentu saúde iha ospitál Indonézia no Malázia.

“Iha Indonézia hamutuk 83 no na’in tolu mate. Nune’e pasiente ne’ebé mak halo tratamentu saúde  iha Malázia  hamutuk 20,” nia hateten ba Tatoli, iha Caicoli Dili, kinta ne’e.

Husi númeru ne’e pasiente 14 rekupera no fila ona mai Timor-Leste, no seluk sei kontinua simu tratamentu saúde husi ekipa mediku sira iha nasaun rua ne’e.

“Pasiente hirak ne’e maioria moras fuan no kankru mak durante halo transferénsia ba rai-liur hodi halo tratamentu saúde,”Nia hateten.

No tama iha fulan-abríl 2022, Ministériu Saúde haruka tan pasiente hamutuk ema na’in haat bá Parkway Group Hospitals Singapura hodi halo tratamentu saúde.

“Durante ne’e ita la halo transferénsia bá ne’ebá tanba situasaun COVID-19  entaun sira loke ona  no ita haruka pasiente na’in haat bá halo traramentu saúde no agora daudaun na’in rua mak preparadu hela atu bá,” Emelita Augusta, hateten.

Husi númeru ne’e, pasiente na’un 51 halo tratamentu saúde iha Jakarta hanesan iha ospitál MRCCC ema na’in 28, Ospitál  Kebun Jeruk ualu,  ospitál Karawaci 15, no agora pasiente preparadu atu bá Indonézia  hamutuk  38.

Jornalista :Felicidade Ximenes

Editór :Agapito dos Santos

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here