PNUD no Governu Japaun entrega ekipamentu protesaun individuál (EPP) hodi apoiu STAE atu realiza eleisaun COVID-19 reziliente iha segunda volta iha eleisaun prezidensial 2022. Imajen Tatoli /Egas Cristóvão.

DILI, 14 abríl 2022 (TATOLI)—Programa Nasaun Unida ba Dezenvolvimentu (PNUD-sigla portugés) ho Governu Japaun, kinta ne’e, entrega ekipamentu protesaun prevensaun COVID-19 ba Sekretariadu Tékniku Administrasaun Eleitorál (STAE) hodi bele utiliza iha eleisaun prezidensiál segunda volta ne’ebé sei hala’o iha 19 abríl 2022.

Notísia Relevante: CNE-UNDP-Governu Japaun lansa Sentru Tabulasaun Nasionál

PNUD no Governu Japaun entrega ekipamentu protesaun individuál (EPP) hodi apoiu STAE atu realiza eleisaun COVID-19 reziliente iha segunda volta iha eleisaun prezidensial 2022. Imajen Tatoli /Egas Cristóvão.

“Akizisaun ba segundu volta eleisaun prezidensiál inklui materiál protesaun COVID-19 hanesan máskara kaixa 16.000 (totál 800,000 pesas), desinfetan masa 60, hand sanitizer botir 6,000, mákina pompa 30, 660 pares husi Protesaun Ekipamentu Personal (PEE-sigla portugés) no thermo scanners 1.600,” Reprezentante Rezidente PNUD iha Timor-Leste, Munkhtuya Altangerel, hateten ba jornalista sira, iha serimónia entrega ekipamentu protesaun COVID-19, iha Caicoli, Dili, kinta ne’e.

Nia hateten, PNUD fó apoiu finansiál hosi Governu Japaun ne’ebé kontinua kontribui hodi garantia protesaun saúde ba sidadaun sira, nune’e hodi garante ezerse direitu votu ba iha eleisaun prezidensiál 2022 segunda volta ne’e.

Diretór Jerál STAE, Acilino Manuel Branco, hateten item esensiál sira-ne’e fornese hosi PNUD no Governu Japaun, ne’ebé sei hasa’e konfiansa públiku hodi partisipa iha eleisaun prezidensiál segunda volta nian.

“Apoiu ne’ebé nunka kotu hosi Projeitu CORE-TL hodi realiza eleisaun prezidensiál reziliente ba COVID-19 iha nasaun ne’e,” nia dehan.

PNUD nia projetu CORE-TL estabelese ho apoiu finanseiru hosi Governu Japaun miliaun $4, tanba servisu parseria ho Governu Japaun, Governu Timor-Leste, Komisaun Nasionál Eleisaun (CNE-sigla portugés) no STAE.

Notísia Relevante: PNUD entrega tinta botir 12,600 no ekipamentu prevensaun COVID 19 ba STAE no CNE

Jornalista : Osória Marques

Editór        : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here