Osan Dolar Amérika. Imajen/Espesiál

DILI, 13 abril 2022 (TATOLI)—Diretór Jerál Interinu no atuál Diretór Nasionál Biblioteka no Muzeu Sekretáriu Estadu Arte no Kultura (SEAK), João Fátima da Cruz, informa iha trimestre dahuluk ne’e SEAK ezekuta ona verba Orsamentu Jerál Estadu (OJE) 2022 ne’e atinje ona 25,2%.

“Sekretáriu Estadu Arte no Kultura nia ezekusaun Orsamentu Jerál Estadu ba trimestre dahuluk nian hosi janeiru to’o marsu ne’e atinje ona 25,2% ne’ebé ekivalente ho osan hamutuk $1,134,111,” João Fátima da Cruz hateten ba Agência TATOLI, iha nia knar fatin, Avenida Portugal, Pantai Kelapa, Díli, semana ne’e.

Nia esplika, Orsamentu Jerál Estadu (OJE) 2022 ne’ebé aloka ba Sekretária Estadu Arte no Kultura (SEAK) liuhosi Ministériu Ensinu Superiór Siénsia no Kultura (MESSK) ho montante $1,134,111 ne’e aloka ba Gabinete Sekretáriu Estadu Arte no Kultura, Gabinete Dirasaun Jerál Arte no Kultura, Dirasaun Nasionál Biblióteka Muzeu, Dirasaun Nasionál Patrimóniu Kulturál, Dirasaun Nasionál Promosaun Arte no Kultura no Unidade Implementasaun Akadémia (UIA).

Tuir nia, kada dirasaun no unidade ne’e, SEAK koloka osan tuir planu orsamentu jerál ne’ebé Dirasaun Nasionál sira propoin iha sira-nia planu Orsamentu Estadu tuir programa ne’ebé sira atu implementa iha tinan tomak.

Hosi montante osan $1,134,11 ne’e aloka ba Gabinete Sekretáriu Estadu Arte no Kultura hamutuk $199,388 hosi orsamentu ne’e atinje ona 25.5%, Dirasaun Jerál Arte no Kultura $201,665 atinje ona 25.3%, Dirasaun Nasionál Biblióteka no Muzeu $169,487 atinje ona 26.6%, Dirasaun Nasionál Patrimóniu Kulturál $300,136 atinje ona 17.6%, Dirasaun Nasionál Promosaun Arte no Kultura $267,240 atinje ona 13.3% no Unidade Implementasaun Akadémia (UIA) $195,583 atinje ona 27.1%.

Hosi ezekusaun OJE 2022 to’o atinje ona 25,2% ne’e, SEAK ezekuta ba bens servisu, lokál travel, inklui mós transferénsia públika.

“Tanba, transferénsia públika ne’e aloka ba dirasaun rua mak Dirasaun Patrimóniu Kulturál no Dirasaun Nasionál Promosaun Arte no Kultura hodi ajuda ba grupu kulturál sira. Maibé, ba dirasaun seluk hanesan Dirasaun Jerál, UIA, Biblioteka ne’e ba bens servisu no saláriu vensimentu,” nia dehan.

Jornalista : Nelia Fernandes

Editór       : Cancio Ximenes   

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here