Ministru Ensinu Superiór Siénsia no Kultura, Longuinhos dos Santos. Imajen Tatoli/Francisco Sony

DILI, 13 abril 2022 (TATOLI)—Ministériu Ensinu Superiór Siénsia no Kultura (MESSK) no Fundu Dezenvolvimentu Kapitál Umanu (FDCH, sigla portugés) prosesa hela bolsa estudu ba dosente 56 hosi Instituisaun Superiór Privadu no Públiku hamutuk 16 atu kontinua estudu iha nível mestradu no doutoramentu iha Komunidade País Lian Portugés (CPLP, sigla portugés).

“Ha’u husu universidade sira, liuliu dosente na’in-56 ne’ebé atu kontinua estudu iha CPLP, atu kalma tanba ita hala’o daudaun prosesu,” Ministru Ensinu Superior Siénsia no Kultura, Longuinhos dos Santos, hateten iha ámbitu ‘Meet the Press’ ne’ebé realiza iha salaun enkontru Prezidénsia Konsellu Ministru (PCM, sigla portugés), iha Palásiu Governu, kuarta ne’e.

Notísia relevante: Dosente na’in-140 tuir teste ba bolsa estudu iha Portugal

Ministru garante semana ne’e nia laran bele finaliza ona, hafoin sei públika rezultadu bolsa estudu.

“Ami-nia meta to’o tinan 2023 tenke atinje bolsa estudu 110 ba dosente timor-oan sira iha Instituisaun Superiór Privadu no Públiku,” nia akresenta.

Tanba ne’e, MESSK nia planu sei kontinua loke tan aplikasaun bolsa estudu ba dosente na’in-54, atu nune’e bele kompleta 110.

Antes ne’e, realiza ona entrevista ho dosente 56 ba faze dahuluk, nune’e Ministru espera ekipa responsável hosi ministériu sei aselera prosesu sira, nune’e tempu besik bele iha ona rezultadu ba dosente sira ne’ebé atu kontinua estudu.

Jornalista : Tomé Amado

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here