Ministru Prezidénsia Konsellu Ministru interinu no atuál Ministru Finansa, Rui Augusto Gomes. Imajen TATOLI/Francisco Sony

DILI, 13 abril 2022 (TATOLI)—Governu liuhosi reuniaun Konsellu Ministru (KM) iha kuarta ne’e, delibera atu autoriza prosedimentu aprovizionamentu ba konkursu públiku internasionál, ba adjudikasaun kontratu ezekusaun obra konstrusaun unidade pediatria no kuidadu koronáriu intensivu iha Hospital Nacional Guido Valadares (HNGV).

“Projetu ne’e aprezenta hosi Ministra Saúde, Odete Maria Freitas Belo. Konstrusaun unidade foun ne’e ho objetivu prinsipál atu hadi’a asesu no kualidade kuidadu espesializadu ne’ebé presta iha HNGV, liuliu ba internamentu ba kazu emerjénsia no urjensia pediátrika,” Ministru Prezidénsia Konsellu Ministru interinu, Rui Augusto Gomes, relata hafoin reuniaun ezekutivu, iha Palásiu Governu.

Notísia relevante: Governu hahú konstrui edifísiu pediatria-sirurjia homen iha Maliana

Aleinde ne’e, sei hadi’a ho di’ak liután resposta nasionál ba surtu esporádiku no emerjente dengue, kolera ka surtu seluk ho impaktu boot ba saúde públika, liuliu ba bebé foin moris, labarik no adolesente sira.

Jornalista : Antónia Gusmão

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here