Eis Primeiru Ministru, Xanana Gusmão akompaña Don Norberto do Amaral bá iha Aeroportu Internasionál Nicolau Lobato hodi dezloka ba Malázia hala’o tratamentu sáude. Imajen/espesiál.

DILI,13 abril 2022 (TATOLI)— Amu Bispu Dioseze Maliana, Don Norberto do Amaral, kuarta ne’e fila hikas mai Timor-Leste ho kondisaun saúde rekuperadu, hafoin hala’o tratamentu médiku durante semana rua, iha ospitál GlenEagles, Kuala Lumpur, Malázia.

Don Norberto too iha Aeroportu Internasionál Nicolau Lobato, tuku 09:15, ho aviaun Batik Malázia, ne’ebé simu direita hosi Lider Karismátiku Kay Rala Xanana Gusmão, Sekertáriu Jerál Partidu CNRT, Francisco Kalbuadi Lay, Deputadu Bankada PD, António Da Conceição ‘Kalohan’, Padre sira hosi Dioseze Maliana no Diretór Nasionál Apoia Servisu Ospitalár no Emerjénsia, família no sarani katolika sira.

Notísia relevante:  Don Norberto do Amaral dezloka ona bá Malázia

“Ami fila ona mai Timor-Leste tanba Amu Bispu ho kondisaun di’ak ona ka rekuperadu ona,” Padre Leovenzio Verdiál hateten ba jornalista sira iha Aeroportu Internasionál Nicolau Lobato, kuarta ne’e.

Amu Bispu ba halo tratamentu iha Ospitál Malázia tanba sofre moras hipertensaun, nune’e médiku sira hosi Malázia informa atu halo terapia iha Timor-Leste.

”Kona-ba tratamentu regular ita nia Amu Bispu ba moras hipertensaun ita sei terapia iha ita nia-rain,”nia afirma.

Iha biban hanesan, Diretór Nasionál Apoia Servisu Ospitalár no Emerjénsia, Nilton do Carmo da Silva, informa durante parte Ministériu Saúde halo esforsu no lori Don Norberto ba hala’o tratamentu médiku iha Malázia too rekuperadu.

”Ita halo esforsu hodi lori Bispu ba halo tratamentu no ohin fila mai ho kondisaun ne’ebé di’ak, maibé Amu Bispu sei nafatin terapia regular iha ita-nia rain,” Diretór Nasionál ne’e akresenta.

Notísia relevante:  Don Norberto do Amaral sei bá hala’o tratamentu saúde iha Malázia

Jornalista : Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here