Diretòr Terras Propriedade Covalima, Hélder Godinho Martins. Imajen Tatoli/Celestina Teles.

COVALIMA, 12 abril 2022 (TATOLI)—Diretór Terras no Propriedade Munisípiu Covalima, Helder Godinho Martins informa, iha trimestre dahuluk ne’e Terras Propriedade Covalima kontribui ona reseita $20.000 ba kofre Estadu liuhosi fonte arrendamentu rai.

Terras no Propriedade Covalima ba trimestre dahuluk, hahú iha fulan janeiru to’o marsu tinan 2022, ita kontribui ona reseita $20.000-resin ba kofre Estadu liuhosi fonte arrendamentu rai,” Helder Godinho Martins heteten ba Agência Tatoli, iha nia knar fatin, Santa Rosa, tersa ne’e.

Maske nune’e, sidadaun barak mak to’o agora seidauk halo kontribuisaun ba arrendamentu rai Estadu tanba sidadaun laiha kbiit atu halo kontaktu no impaktu hosi COVID-19 halo sira labele buka moris, entaun arrendamentu rai mós menus hodi kontribui ba kofre Estadu

Bazea ba lei númeru 1/2003 ko’alia kona-ba tipu arrendamentu mak hanesan tipu arrendamentu rai estadu no rai privadu abandonadu, hanesan sidadaun Indonézia no portugués husik hela no na’in iha, maibé hela iha dili no sidadaun seluk okupa entaun terras iha kompeténsia atu administra.

“Kona-ba atu halo arrendamentu rai agora ami sei forma ekipa avaliasaun tun ba terreñu mak hodi haree medida rai, haree sidadaun ne’ebé okupa ne’e nia loke negósiu hanesan halo kontratu ruma entaun ita haree tuir ida-ne’e,” nia hateten.

Sidadaun ne’ebé halo arendamentu rai Estadu selu kiik ba sidadaun ne’ebé okupa rai hodi hela ne’e selu de’it $10,00 to’o $15,00 no fó ba ema aluga bele selu $20,00 to’o $30,00, nune’e Terras Propiredade Covalima kontribui ona reseita $20.000-resin ba kofre Estadu maibé depende mós sidadaun sira halo arrendamentu rai hodi selu iha banku.

Tuir dadus hosi Terras no Propridade Covalima ne’e rejista katak, sidadaun selu permanente hodi okupa rai Estadu hamutuk na’in-48 ne’e hahú selu iha tinan 2005 to’o ohin  loron, no ba sidadaun ne’ebé mak okupa rai privadu hamutuk na’in-20 resin

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here