Diretór Servisu Munisipál PDIM Baucau, Hermenegildo Rodrigues Fraga. Imajen TATOLI/Natalino Belo.

BAUCAU, 12 abríl 2022 (TATOLI) – Implementasaun projetu kona-ba Programa Dezenvolvimentu Integradu Munisipál (PDIM) Baucau ne’ebé reapropria iha tinan 2022 daudaun ne’e atinje ona 69,05%.

Projeitu hitu ne’e implementa iha tinan 2021 kompostu konstrusaun moru merkadu Tuanau Vila Nova no konstrusaun sede suku neen ho tótal orsamentu $746.825,53 ne’ebé reapropria iha Orsamentu Jerál Estadu tinan 2022 ho tótal $392.908 no tótal gastu iha tinan 2021 hamutuk $233.227,87 no sei iha balansu hamutuk $428.201,38.

“Totál hamutuk 69,05%, iha tinan 2021 ita hetan alokasaun orsamentu hosi governu sentrál 40% nune’e iha tinan ne’e aloka tán 60% maibé realidade ita sei husu adisionál $35.293,38 ba nasionál atu kobre hotu projetu hirak-ne’e,” Diretór PDIM Baucau  Hermenegildo Rodrigues Fraga hateten iha Vila Nova, tersa ne’e.

Projetu konstrusaun moru haleu merkadu Tuanau, Vila Nova implementa hosi kompañia Gardel Unip, Lda ho valór kontratu $316. 007,27 daudaun ne’e atinje ona 70,88%, konstrusaun sede suku Samalari, postu Baucau vila ho valór orsamentu hamutuk $ 59,323,84 responsável hosi kompañia Rozi unip, Lda dadaun ne’e atinje 48.14%.

Konstrusaun sede suku Samalari, postu Baguia ho valór orsamentu $54.515,23 responsável hosi kompañia Mexa Unip, Lda dadaun ne’e atinje ona 46,90%, konstrusaun sede suku Lelalai, postu Quelicai ho tótal kustu $ 60.474,14 daudaun ne’e atinje ona 94.47% ne’ebé kompañia Minilys unip, Lda mak responsabiliza obra.

Konstrusan sede suku Uaigae,postu Vemase ho kustu orsamentu hamutuk $54.085,33 dadaun ne’e atinje ona pursentu 74.34 hosi kompañia Wrangler unip,lda, konstrusaun sede suku Atelari, postu Laga hosi kompañia Costa Estalia Unip,lda dadaun ne’e atinje pursentu 63.38 ho kustu orsamentu $62.135,06 no konstrusaun sede suku Uilaha, postu Venilale atinje 74,34% hosi kompañia Caidaralata Unip, Lda ho kustu orsamentu hamutuk $54.888,38 .

Jornalista   : Natalino Belo

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here