Osan Dolar Amérika. Imajen/Espesiál

DILI, 12 abril 2022 (TATOLI)—Diretór Finansa Ministériu Asuntu Parlamentár no Komunikasaun Sosiál (MAPKOMS), Adriano Monterio, informa iha trimestre dahuluk ne’e MAPKOMS no Sekretária Estadu Komunikasaun Sosiál (SEKOMS) ezekuta ona verba Orsamentu Jerál Estadu (OJE) 2022 atinje ona 30,82%. 

“Ministériu Asuntu Parlamentár no Komunikasaun Sosiál no Sekretária Estadu Komunikasaun Sosiál nia ezekusaun Orsamentu Jerál Estadu ba trimestre dahuluk nian (janeiru-marsu) atinje ona 30,82%, ne’ebé ekivalente ho osan hamutuk $9,066,076,” Adriano Monterio hateten ba Agência TATOLI, iha nia knar fatin, Palásiu Governu, Dili, tersa ne’e.

Hosi 30,82% ne’e fahe ba kategória lima (5) ne’ebé kompostu hosi saláriu no vensimentu 20,49% ho nia saldo 942,052.00, bens servisu 40,92% ho nia saldo 3,495,415.00, kapitál menór 68,66%  ho nia saldo 118,787.00, kapitál dezenvolvimentu 0,00%, ho nia saldo 2,000,000.00 no transferénsia públika 43.70% ho nia saldo 2,509,822.00.

Nia informa, kona-ba kapitál dezenvolvimentu mak sei zero tanba prosesu sei iha hela Ajénsia Dezenvolvimentu Nasionál (ADN) no Ministériu Obra Públika (MOP) liu-liu kona-ba torre RTTL, E.P nian ne’e.

Aleinde ne’e, ezekusaun orsamentu 30,82% ne’e ba programa rua (2) mak garantia liberdade asesu informasaun ho nia sub-programa rua (2) mak diseminasaun informasaun kona-ba divesifikasaun meiu komunikasaun sosiál.

Programa seluk, nia dehan, kona-ba boa governasaun no jestaun institusionál ho nia sub-programa rua (2) mak boa-governasaun no jestaun institusionál.

Antes ne’e, deputadu sira iha Parlamentu Nasionál aprova proposta Orsamentu Jerál Estadu (OJE) 2022 ba Ministériu Asuntu Parlamentár no Komunikasaun Sosiál (MAPKOMS) ho montante $9,066,076 iha faze espesialidade.

Notísia Relevante: PN aprova OJE 2022 ba MAPKOMS millaun $9-resin iha espesialidade

Jornalista : Nelia Fernandes

Editór       : Cancio Ximenes  

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here