Ró Navál ne’ebé avaria. imajen/espesiál

DILI, 12 abríl 2022 (TATOLI)— Diretór Jerál Administrasaun Finansa, Ministériu Defeza (MD), Nuno Carvalho dos Santos, informa maske loke ona konkursu públiku, hahú fulan-jeneiru, maibé seidauk iha kompañia ida mak interese hatama dokumentu atu konkorre konkursu ba manutesaun ró navál.

“Iha faze konkursu ne’e seidauk iha kompañia ida maka aplika ba konkursu ida ne’e” Diretór Jerál ne’e, inform aba Jornalista Agência TATOLI iha Hera-Dili, tersa ne’e.

Notísia relevante:  MD loke ona konkursu ba manutensaun ró navál 

Konkursu públiku ne’e anúnsia tanba ró Komponente Navál rua hanean Jaco no Betano ne’ebé hanesan meiu ho klase Shanghai ne’ebé Governu hola hosi Xina, dezde 2015 to’o agora sofre manutesaun ka avaria.

Nune’e, Iha OJE 2022, Governu liuhosi Ministériu Defeza (MD) aloka orsamentu milliaun $2, atu halo manutesaun hodi fasilita Komponente Navál, F-FDTL hala’o operasaun hodi asegura no kontrola fonteira tasi liuliu rikusoin tasi Timór.

“Ita abertura ona ba konkursu ho durasaun tinan ida tomak ba kompañia internasionál no nasionál, maibé too agora seidauk iha empreza ida mak interesadu. Nune’e ita kontinua hein kompañia interesadu sira,” nia afirma.

Governu presiza duni kompañia ne’ebé iha kapasidade fianseiru no tékniku atu halo manutensaun lalais b ró rua ne’e.

Entertantu, orasamentu fiskál 2022 ba Ministériu Defeza hamutuk $10,934.731, ne’ebé fahe ba kategoria salariu no vensimentu $1,404.635, bens no servisu $6,278.204, kapitál menor $1,761.642, kapitál dezenvolvimentu $1,490.250. Orasamentu ne’e finansia programa tolu, sub-programa lima no atividade 21.

Notísia relevante:  Komponente Navál presiza ró kontrola fronteira Tasi

Jornalista: Natalino Costa

Editór    : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here