Polisia Nasionál Timor-Leste (PNTL), liuhosi Tránzitu nasionál no munisípiu Dili, halo apreensaun ba motorizada. Imajen/Natalino Costa

DILI, 11 abríl 2022 (TATOLI)— Komandu Munisípiu Dili liuhosi Unidade Polísia Tránzitu (Poltranz), domingu (10/04), konsege halo apreensaun ba motorizada hamutuk 48 hosi apoiante  kandidatu Prezidente Repúblika (PR) periodu 2022 too 20217, ho númeru sorteiu 2, Francisco Guterres Lú Olo, bainhira ba partisipa kampaña eleitorál segunda volta, iha Tasi-tolu.

“Kampaña kandidatu Prezidente Repúblika (PR), númeiru sorteiu 2, Francisco Guterres Lú Olo ne’e situsaun la’o normál, maibé ekipa konjuntu sira konsege halo apreensaun ba motorizada hamutuk 48,” Komandante Polisia Nasionál Timor-Leste (PNTL), Munisípiu Dili, Superintendente Xefe, Henrique da Costa hateten ba jornalista sira iha Komandu PNTL Dili, segunda ne’e.

Ekipa konjuta halo operasaun no konsege halo apreensaun ba motorizada hirak ne’e tanba balun tula em nain-tolu, balun kanu resin no balun laiha espellu inklui laiha xapa matríkula.

“Motorizada sira ne’e ekipa konjunta sira mai tau ona iha Komandu PNTL Munisipiu Dili, ohin fahe ona billete ba ita-nian motorista sira, nune’e na’in ba motór sira ba selu multa iha banku foin mai foti sira-nia motór,” Komandante ne’e informa.

Tuir oráriu kampaña eleitorál hosi Komisaun Nasionál Eleiesaun (CNE,sigla Portugé), ne’ebé fó sai katak, iha loron aban (12/11) kandidatu PR, ho númeru sorteiu 1, José Ramos Horta, hala’o mós kampaña ho tipu komísiu iha Tasi-tolu-Dili.

Nune’e, Superintendente Henrique sujere ba apoiante sira mai hosi partidu polítiku sira hametin pás no estabilidade no kumpre kódigu estrada.

“Ita hahú avalia medida seguran no sei hetan apoia hosi unidade polisia sira atubele asegura nafatin atividade kampaña kandidatu PR ho númeru sorteiu 1, ne’ebe aban realiza iha Tasi-Tolu, bele  la’o diak no iha ámbitu ne’ebé hakmatek,”  Komandante ne’e garante.

Komandu PNTL Dili, hetan apoia seguransa hosi ekipa konjunta hanesan Unidade Espesiál Polisia (UEP), Unidade Patrollamentu Fronteira (UPF) ne’ebé destaka iha Aeroportu, Unidade Polísia Tránzitu  no Unuidade Polisia Marítima (UPM), Forsa Rezerva (Polísia Taskforce) munisípiu Dili, ekipa operasaun hosi Komandu Jeral PNTL no servisu informsaun PNTL.

Notísia relevante:  Kampaña ikus, PNTL halo apreensaun ba motór hamutuk 300

Jornalista: Natalino Costa

Editór     : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here