Tratór ne’ebé MAP apoiu ba Grupu Komunidade Agrikultór Maubisse. Imajen Ajénsia Tatoli/Xisto Freitas.

DILI, 11 abríl 2022 (TATOLI)—Membru deputadu Komisaun D trata asuntu Ekonomia Deputadu Alexandrinho da Cruz, rekomenda ba Governu liuhosi Ministériu Agrikultura no Peska (MAP) atu hadi’a tratór unidade 31 iha Manufahi ne’ebé ninia kondisaun aat.

Deputadu ne’e lee sai rekomendasaun hosi rezultadu relatóriu fisklazasaun hosi Komisaun D ne’ebé hala’o iha loron 23-25 fevereiru 2022 iha munisípiu Manufahi.

“Rekomenda ba Ministéiru Agrikultura no Peska (MAP) atu tau konsiderasaun iha planu orsamentu hodi hadi’a tratór sira ne’ebé aat ho nune’e bele hasa’e produsaun alimentár iha rai- laran,” Deputadu ne’e relata relatóriu fiskalizasaun iha plenária Parlamentu Nasionál, segunda ne’e.

Tuir dokumentu relatóriu fiskalizasaun Komisaun D ne’ebé Agéncia Tatoli asesu katak, iha vizita ne’e, informasaun ne’ebé rekoilla hosi responsavel Sentru Mekanizasaun Tratór iha sldeia Raimetan, suku Betano katak totál tratór iha unidade 36 maibé lima mak hatama ona ba leilaun no hela unidade 31.

“Unidade 31 ne’e kondisaun di’ak, iha rua de’it mak halo hela operasaun maibe roda mak laiha no sira hato’o pna pedidu ba nasionál,” nia dehan.

Hosi tratór hirak ne’e balun destaka iha Same Villa-Betano iha unidade 28, kompostu hosi nia marka MF 5355 iha tolu, MF 440 iha lima (5), MF 15W40 iha ida, kubota iha haat (4), kubota 9000 iha haat, kubota 5100 iha neen, kubota 5000 iha rua, Agrindo TA 9004 iha ida no Agrindo TA 6504 iha rua.

Iha postu administrative Alas, iha tratór unidade tolu (3) kompostu hosi MF 440 iha ida, kubota 5100 iha rua.

Iha Welaluhu, iha tartór unidade lima kompostu hosi MF 440 iha rua, kubota 5100 iha rua no kubota 5000 ida.

Tratór sira-ne’ebé ho kondisaun aat la’ós iha parte mákina (mesin) maibé iha parte sira hanesan valvo, cabesa, tubu radiatór, motór aranke, filtru hidrolik no óleo, rolamentu, sarua, roda, tali gas, alteradór, disku embreajen, batria no tali batria ho bomba manuál.

Durante ne’e munisípu seida’uk hetan delegasaun kompeténsia hosi nasionál, nune’e halo manutensaun liuhosi prosesu konkursu iha nasionál no empreza mak mai halo manutensaun.

Tuir loloos, manutensaun refere labele liuhosi tenderizasaun empreza gasta de’it osan no atu di’akliu mak parte nasionál prepara de’it armaien ida espesífiku ba ekipamentu tratór no destaka mekániku halo fazeadamente.

Iha vizita ne’e delegasaun haree katak fatin parajen ba tratór laiha espasu no kondisaun grave, nune’e tratór balun para de’it iha li’ur inklui propriu mekániku no motorista laiha.

Maske nune’e, agrikultór sira iha depedensia ba tratór ne’e boot tebes tanba lori tratór hirak-ne’e mak bele fila sira-nia rai hodi hala’o atividade agrikultura nian iha tempu udan.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here