Imajen/Mídia PN.

DILI, 11 abríl 2022 (TATOLI)—Deputadu Alexandrinho da Cruz informa, iha rezultadu relatóriu fisklazasaun hosi Komisaun D trata asuntu Ekonomia no Dezenvolvimentu ne’ebé hala’o iha loron 23-25 fevereiru iha munisípu Manufahi identifika bee-mota estraga irrigasaun Karaulun ninia intek to’o naksobu, entaun Governu presiza tau atensaun. 

“Rekomenda ba Ministéiru Agrikultura no Peska (MAP) atu tau konsiderasaun iha planu orsamentu anual hodi hadia irrigasaun sira-ne’ebé aat ho nune’e bele hasa’e produsaun alimentár iha rai-laran,” Deputadu ne’e relata relatóriu fiskalizasaun iha plenária Parlamentu Nasionál, segunda ne’e.

Tuir relatóriu fiskalizasaun Komisaun D ne’ebé Agéncia Tatoli asesu, durante iha vizita ne’e Deputadu sira-nia observasaun nota katak kondisaun intek irrigasaun Karaulun moru protesaun iha parte oin ne’ebé tahan sedimentasaun hodi labele tama ba kanál irrigasaun mota sobu estraga, nune’e bainhira udan boot bee-mota lori hotu sedimentasaun tama ba iha kanál irrigasaun no bee atu halai ba natar defisíl tebes.

Iha tinan ne’e, tuir informasaun hosi ofisiál irrigasaun munisípu katak mota sobu estraga iha 01 abríl 2021 no momentu ne’e hato’o kedas ba iha dirasaun nasionál irrigasaun, nune’e tun hodi haree direta no foti dadus maibé to’o agora seidauk iha resposta.

Bainhira la hadi’a lalais mak sei fó impaktu ba natar hanesan iha tinan ida-ne’e, époka dahuluk ne’e komunidae labele halai natar tanba irrigasaun aat.

Hosi parte munisípu halo ona normalizasaun ba sedimentasaun no hein hela autorizasaun hosi parte nasionál hodi hadi’a ka konstrui fali parte ne’ebé mak bee-mota sobu.

Alleinde estragu iha parte oin no iha parte kraik ne’ebé ligasaun intek, bee-mota suli-kee iha parte okos halo rai mamar no monu tun hotu entaun parte ne’e presiza atende urjente. 

Intek irrigasaun ne’e bainhira funsiona ho di’ak sei fornese bee ba natar ektare hamutuk 1.050 maibé tanba ho limitasaun halo de’it ektare 250.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here