Fuma sigarru bele mós hamosu kankru ran. imajen/google.

DILI, 11 abríl 2022 (TATOLI)— Responsavél Sentru Hapara Fuma, Médiku Jerál Eldino de Castro Rangel, informa, hahú iha fulan outubru 2021 too janeiru 2022, fumadór na’in-340 mak konsege hapara fuma tabaku, hafoin liuhosi prosesu akonsellamentu no tratamentu médiku.

“Ita-nia pasiente sira barak mak hatene ona fatin sentru hapara fuma tanba informasaun ne’ebé mak fó sai iha média ajuda tebes. Nune’e ita fó tratamentu ona ba pasiente 351, hosi numéru ne’e na’in-340 mak konsege hapara fuma sigarru,” Responsavél ne’e hateten ba Agência TATOLI iha knaar fatin, Bairru Formaza-Dili, segunda ne’e.

Notísia relevante: Fumadór 140-resin hahú konsulta atu hapara fuma tabaku

Hosi totál fumadór na’in-340, feto na’in-rua no mane 280 mak kosegehapara ona fuma signifika sira la fuma ona tabaku.

Enkuantu, hosi totál fumadór na’in-35 ne’e, hela na’in-11 mak kontinua konsulta ka follow up hodi haree fali tratamentu atu determina loron hapara fuma nian.

Sentru Hapara Fuma rejsita fumadór sira ne’ebé durante ne’e tuir programa akonsellamentu maioria idade 20 too 40 ho kategroia depedensia ba nikotenia hanesan sira hader mai fuma kedas.

Pasiente barak mak mai sira hakarak para fuma ho razaun dahuluk sira preokupa liu ba sira-nia saúde   no daruak mak impaktu ba sira-nia ekonomia uma laran, nune’e sira deside hodi mai konsulta atu hapara fuma.

“Konsulta hapara fuma ne’e la hanesan ho konsulta sira seluk tanba konsulta hapara fuma ne’e depende ba ema nia konsisénsia no ema nia vontade ita labele obriga sira bainhira sira dehan fuma ne’e oho ema entaun sira rasik iha konsiénsia atu hakbesik ba fatin hapara fuma,” Resposavél ne’e esplika.

Tuir matadalan ne’ebé iha katak pasiente ka fumadór ne’ebé mak depedensia ba nikotina ki’ik sei tuir sesaun dahuluk no simu mak akonsellamentu no daruak deside sira-nia problema iha ne’ebé no sira para duni fuma ka lae. Médiku sira identifika ida ne’e mak hafoin fó tratamentu ba sira.

“Ita-nia medikamentu ba fumandór mak aimoruk nicotine replacement therapy (NRT) ne’e hanesan nikotina ida ne’ebé mak troka sigarru nia fatin,” nia esplika.

Daudaun ne’e, estoke aimoruk ba fumadór sira sei sufisiente hela, tanba aimoruk iha tipu haat, ne’ebé   ho tipu rua hanesan aimoruk nicotine Gum mak 2mg no 4mg ne’ebé mak nata de’it no ida seluk mak patch 4mg no 21mg mak taka de’it iha isin.

Notísia relevante: MS lansa sentru hapara fuma prevene moras la hada’et

Jornalista : Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here