Komundade Forma atu ba vota hamrik iha lina laran hodi hein ba vota. Iha sentru votasaun Eskola No 5 Comoro, sabadu (19/03). Imajen Tatoli/Francisco Sony.

DILI, 11 abríl 2022 (TATOLI)–Komisaun Nasionál Eleisaun (CNE, sigla portugés) ho Progama hosi Nasaun Unida ba Dezenvolvimentu (PNUD, sigla portugés) hakarak enkoraja estudante (universitáriu) atu partisipa iha elesisaun prezidensiál 2022 segunda volta ho ativu.

“CNE iha responsabilidade atu enkoraja estudante sira atu partisipa ativu iha eleisaun segunda volta nian no eleisaun iha futuru,” Prezidente CNE, José Agostinho da Costa Belo, hateten ba jornalista sira, hafoin hala’o semináriu “Joven Vota”, iha Suai Room, Timor Plaza, segunda ne’e.

Estudante mak jerasaun foun Timor-Leste nian, entaun sira tenke hatene kle’an importante eleisaun iha nasaun ida tanba rezultadu votasaun no mós kontribui mutuamente mak sai dezenvolvimentu ba futuru nasaun ida-nian.

Progama hosi Nasaun Unida ba Dezenvolvimentu (PNUD, sigla portugés), Tito Filipe hateten, ativivdade ne’e ho inisiativa ne’ebé liga ho eleisaun prezidensiál ba segunda volta nian.

“Estudante tenke partisipa iha eleisaun daruak ne’e. Sira partisipa no rejistu ona iha prosesu votasaun nian,” Tito hateten.

PNUD mós enkoraja estudante atu tuir vota durante eleisaun ne’ebé sei realiza iha loron 19 abríl 2022 ne’e, tanba rezultadu ne’ebé mak prevista iha eleisaun liubá ne’e katak falta partisipasaun hodi eleitór sira ba prosesu eleisaun nian.

Tanba, tuir nia, data CNE hatudu katak iha sidadaun ka eleitór foun ne’ebé mak rejistu iha 2022 hamutuk 27.000 no estudante 4.030.

Atividade ne’e involve ho juventudade sira no finansia hosi Governu Japaun no implementa hosi PNUD no kolabora ho CNE.

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here