Diretór Ezekutivu SERVE, I.P, Florêncio da Costa Sanches. Imajen TATOLI/Francisco Sony

DILI, 08 abril 2022 (TATOLI)—Diretór Ezekutivu Servisu Verifikasaun Emprezariál, Institutu Públiku (SERVE, I.P), Florêncio da Costa Sanches, informa, hosi janeiru to’o marsu SERVE, I.P rejista kompañia foun hamutuk 1.000 no hetan reseita hamutuk $20.000 resin.

“Ne’e hatudu di’ak, ba oin mak mantein nafatin hanesan ne’e to’o ramata tinan ne’e ita bele hetan reseita hamutuk $500.000,” Diretór Ezekutivu SERVE, I.P hateten ba Agência TATOLI, iha auditorium Ministériu Finansa (MF), Aitarak-laran, sesta ne’e.

Notísia relevante: SERVE rejista empreza foun 4.200 iha tinan 2021

Maski nune’e, SERVE iha predisaun tinan ne’e hetan reseita millaun $1 bainhira situasan normál.

“Maibé daudaun ne’e ita labele atinje tanba ita hasoru situasaun hanesan COVID-19 no impase polítika nasionál ne’ebé mosu iha tinan kotuk ba,” nia akresenta.

Reseita envolvimentu direita ne’ebé SERVE, I.P rekolla tuir lei, hosi empreza nasionál no  internasionál, maibé dominante liu ne’e timor-oan 98% no empreza internasioná reprezenta de’it 2%.

“Ita rejista loloos empreza internasionál iha territóriu nasionál hamutuk 115 no nasionál 35.000,” nia dehan.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here