Ministra Saúde Odete Belo entrega prémiu ba munisípiu tolu ne’ebé taxa vasinasaun aas. Imajen/TATOLI

DILI, 07 abríl 2022 (TATOLI)— Ministériu Saúde, kinta ne’e, iha ámbitu loron mundiál Saúde, entrega prémiu ba munisípiu Dili, Viqueque no Covalima tanba atinjementu taxa vasinasaun contra COVID-19 ho presentajen aas iha Timor Leste.

Munisípiu tolu ne’e persentajen doze dahuluk vasinasaun iha Covalima 96,9%, Viqueque  95,4% no Díli 89,6%.

Enkuantu, ba munisípiu seluk inklui Rejiaun Administrativu Espesiál Oé-Cusse no Ambeno foin atinje presentajen diferente entre 73,6% no 87,7%.

“Kada ekipa vensendór hosi munisípiu hetan sertifikadu no pémiu orsamentu hosi COVID-19,” Ministra Odete Belo, hateten iha Caicoli,Dili.

Iha fatin hanesan, Diretór Servisu Saúde Munisípiu Dili, Agostinha Segurado, hato’o agradesementu tanba Governu valoriza esforsu profisionál saúde ba kombate COVID-19.

“Prémiu ne’e la’ós valoriza ba ha’u mesak, maibé fó ba ha’u nia estrutura tomak  nomós  ba apoia parseiru sira seluk nia suporta maka’as  inklui autoridade lokál instituisaun  relevante no  komunidade husi munisípiu Dili,” nia agradese.

Responsavél ne’e dehan ho prémiu ne’e atu kontinua esforsu atu efetu forsa hodi conta coronavirus.

Hahú 21 marsu 2020 to’o 06 abríl 2022 iha kumulativu kazu konfirmadu 22.836 no óbitu 130.

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 86,2% no simu ona doze daruak 73,2%.

Jornalista: Felicidade Ximenes

Editór     : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here