Diretòr DTT Covalima, Joaquim Gusmão. Imajen Tatoli/Celestina Teles.

COVALIMA, 07 abríl 2022 (TATOLI)—Diretór Dirasaun Transporte Terrestre (DTT), Joaquim Gusmão informa, iha trimestre dahuluk ne’e, janieru to’o marsu ne’e, DTT Covalima kontribui ona reseita 15,955.00 ba kofre Estadu liuhosi fonte inspesaun veikulu, renovasaun lisensa no karta kondusaun.

“Hahú hosi fulan-janeiru to’o marsu 2022, ami kontribui ona reseita $15,955.00 liuhosi ne’ebé DTT kontribui liuhosi inspesaun veikulu hanesan karreta no motorizada, renovasaun lisensa no sidadaun sira renova karta kondusaun,” Diretór DTT Covalima, Joaquim Gusmão, hato’o ba Agência Tatoli, iha nia knar fatin, Santa Rosa, kinta ne’e.

Durante ne’e DTT Covalima halo inspesaun ba veikulu no motorizada hamutuk 1,131 ne’ebé kontribui reseita $11,725, transporte públiku hanesan Anguna no mikrolete 44 hodi halo renovasaun sira-nia lisensa ne’ebé kontribui reseita $920, renovasaun karta kondusaun sidadaun 108 ne’ebé kontribui reseita hamutuk $1,960.

Reseita trimestre dahuluk ne’e hamutuk $15,955.00 ne’ebé iha fulan janeiru kontribui $7.390.00 no fulan-fevreiru kontribui reseita $4.850,00 no fulan-marsu kontribui reseita $3.715,00.

“Ba sira-ne’ebé troka proprietária hanesan ha’u sosa hosi ema seluk hafoin ha’u tau ha’u-nia naran sidadaun na’in-122, ho nia reseita $1,350 ho totál hamutuk $15,955.00,” nia dehan.

Ba sidadaun ne’ebé troka proprietária ba karreta ho motorizada sei selu hamutuk $10.00 maibé halo indpesaun ba motorizada selu $5.00 no tarde liu tinan ida ba leten selu $10.00

“Komparasaun iha tinan kotuk kompara ho tinan ne’e hanesan de’it reseita tinan 2021 kompara ho tinan 2020, tinan 2021 barak liu tanba konsege kontribui $45.000. Reseita ne’ebé mak DTT Covalima kontribui bazea alvu duni, tinan-tinan ami sempre kontribui $45,000 ba leten,” nia hateten.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here