Membru Deputadu PD, Ernesto Dudu. Imajen/Tatoli Egas Cristovão.

DILI, 07 abríl 2022 (TATOLI)— Diretór Klíniku Hospitál Nasionál Guido Valadares (HNGV), Marcelino Correia, informa Veteranu no Deputadu hosi Bankada Partidu Demokrátiku (PD) Ernesto Fernandes “Dudu” baixa iha sala internamentu VIP tanba sofre moras infessaun pulmaun.

“Ita-nia Deputadu “Dudu” baixa iha sala internamentu VIP (HNGV) tanba moras infessaun pulmaun. Daudaun médiku espesialista pulmaun no médiku internista sira halo hela observasaun no fó hela tratamentu saúde,” Diretór ne’e hateten ba Agência TATOLI iha knar fatin HNGV-Bidau, kinta ne’e.

Membru Parlamentu Nasionál ne’e baixa iha Hospitál Nasionál Guido Valadares iha loron 06 abríl 2022.

Maske, nia dehan Deputadu “Dudu” baixa hela, maibé kondisaun di’ak hela tanba hetan ona tratamentu saúde hosi espesialista sira.

“Nia (Deputadu) nia kondisaun la grave, soke hetan de’it infesaun pulmaun ne’ebé espera katak agora médiku sira fó tratamentu atu loron lima hanesan ne’e nia bele alta ona,” nia afirma.

Jornalista : Felicidade Ximenes

Editór      :   Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here