Membru UNIJMA, Rejiaun Fitun Oras Bobonaro hala’o konferénsia imprensa hodi apoia kandidatu Prezidente Repúblika, Francisco Guterres ‘Lú Olo’ iha eleisaun prezidensiál volta daruak. Imajen Tatoli/Sérgio da Cruz.

BOBONARO, 06 abríl 2022 (TATOLI) – Uniaun Nasionál Juventude Maubere (UNIJMA), Ativista Pro Repúblika Demokrátika Timor-Leste (RDTL), CPD-RDTL/FRETILIN Rejiaun Fitun Otas Bobonaro, reafirma pozisaun hodi kontinua apoia kandidatu Prezidente Repúblika númeru sorteiu (2),Fransisco Guterres Lú Olo, iha eleisaun prezidensial volta daruak.

“Agora ami sei vota no tú ba bandeira FRETILIN hodi lori Francisco Guterres ‘Lú Olo ba segunda mandatu atu kompleta nia misaun hodi konsolida RDTL, kore akordu SOFA ne’ebé kesi-metin RDTL,” Portavós CPD-RDTL, Rejiaun Fitun Otas Bobonaro, José dos Santos, informa liuhosi konferénsia imprensa, iha Maliana, kuarta ne’e.

Tuir nia, bainhira Lú olo re-eleitu ba sei asegura RDTL nu’udar país naun-aliadu non-bloku amante pás iha mundu rai klaran, hadi’a justisa hodi asegura povu nia direitu, kombate korrupsaun no lori progresu reál ba povu maubere nia moris di’ak.

Nia alerta ba líder, intelektuál no povu sira-ne’ebé oras ne’e hakarak dudu sira-nia kandidatu ba podér atu labele haree de’it ba situasaun nasionál, maibé tenke hola mós konsiénsia kona-bá sitasaun perigoza ne’ebé mundu internasionál hasoru.

Jornalista   : Sérgio da Cruz

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here