Tékniku Komisaun Nasionál Eleisaun (CNE, sigla portugés) hatudu votu nulu ba fiskál partidu sira bainhira hala’o apuramentu nasionál iha salaun CNE, kuarta (23/03). Imajen Tatoli/Francisco Sony.

DILI, 06 abríl 2022 (TATOLI)—Diretór Jerál Sekretariadu Tékniku Administrasaun Eleitorál (STAE), Acilino Manuel Branco, hateten atu redús votu nulu iha segunda volta mak brigada fó edukasuan votante ba eleitór sira iha suku-suku hodi bele ezerse sira-nia diretu votu ho loloos.

Notísia Relevante: CNE rejista votu nulu kuaze 13.000 iha teritóriu inklui diaspora

“Atu redús votu nulu iha eleisaun prezidensiál ba segunda volta, STAE halo preparasaun ne’ebé másima no kontinua orienta nia brigada sira atu halo edukasaun votante ba eleitór sira, nune’e oinsá mak bele ezerse sira-nia diretu votu iha loron eleisaun nian ho loloos. Nune’e, kontribui liután hasa’e taxa partisipasaun no redús votu nulu ne’ebé mak iha,” Acilino hateten ba Agência TATOLI, iha nia knaar fatin Caicoli, Dili, kuarta ne’e.

STAE orienta ona brigada sira atu kontinua halo edukasaun vontante ba eleitór sira, tanba iha eleisaun primeira volta ne’e votu nulu hamutuk 13.143 no hosi númeru ne’e inklui votu reklamadu 437.

“Ho ne’e, ita briefing brigada sira atu kontinua lori informa ba iha ofisiál eleitór sira atu oinsá bele dezempeña di’ak liután iha eleisaun segunda volta nian. Tanba iha preokupasaun balun ne’ebé mak hato’o katak iha prosesu kontajen ne’e la’o kleur loos,” nia dehan.

Nia hateten, ho preokupasaun sira-ne’e mak órgaun eleitorál tau ona atensaun, nune’e iha eleisaun segunda volta bele aumenta taxa partisipasaun.

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here