Osan Dolar Amérika. Imajen/Espesiál

DILI, 06 abríl 2022(TATOLI)— Ministériu Saúde (MS), relata too loron 6 abríl 2022, ezekuta ona alokasaun verba Orsamentu Jerál Estadu hamutuk atinje ona 27,2%.

Diretór Nasionál Orsamentu no Jestaun Finansa iha Ministériu Saúde, Miguel Maria, informa iha trimestre dahuluk ne’e ezekusaun foin atinje ona 17,77% ne’ebé ekivalente ho $9,270,244.53, maibé tanba akomoda mós obrigasaun no kompromisu sira mak ezekusaun sa’e ba 27,2%.

Notísia Relevante:  PN aprova OJE 2022 ba MS iha espesialidade

“Iha trimestre dahuluk tinan 2022, Ministériu Saúde ezekuta ona 17,7%, maibé ho obrigasaun sira 9,23%, signifika atuál no obrigasaun hamutuk 27,2%. Nune’e ita la tarde tanba ita foin mak trimestre dahuluk nian,” Diretór Nasionál ne’e hateten ba Agência TATOLI iha knaar fatin, segunda ne’e.

Orsamentu orijin ne’ebé alokadu ba MS hamutuk $52,181,675.00, Kompromisu sira $3,463,974.60, obrigasaun sira $4.665,460.62, atuál $9,528.760.90 no $34,523,478.88.

hosi totál ne’e, salariu no vensimentu ho orsamentu orijin $24,633,600.00 iha trimestre dahuluk ne’e ezekuta ona $5,297,181.18 (21%), bens no servisu $13,332,157.00 mak ezekuta ona 1,363,095.85 (10.22%), kapitál menór $1,916,203.00 seidauk iha ezekusaun, kapitál dezenvolvimentu $1,916,203.00, hahú ezekuta ona $4,814.04 (0.25%) no transferénsia públika $11,066,910.00 konsege ezekuta ona $2.605.153.46 (23.54%).

Nia dehan, iha trimestre dahuluk ne’e ezekuasaun la’o diak, maski seidauk ezekuta orsamentu iha kategoria bens no servisu. Maibé Ministériu Saúde liuhosi aprovizionamentu hahú loke konkursu ne’ebé bele halo pagamentu too millaun $1,3.

“Ita nia ezekusaun ne’e boot mak iha kategoria saláriu no vensimentu, kapitál dezenvolvimentu, transferensia públika no kapitál menor. Tanba haruka moras ba rai li’ur no konstrui kuaretena no izolamentu inklui sosa aimoruk no ekipamentu protesaun ba COVID-19 no pagamentu ba otél no hahan,” nia esplika. 

Iha tinan fiskál 2022, Ministériu Saúde prevee programa tolu, sub-programa 19 no atividade 69 ne’ebé alokadu ba programa governasaun di’ak no instituisionál prevee $8,548,068, programa saúde alokadu $43,563,497 no igualidade jenéru no inkluzaun sosiál prevee $2,000.

Notísia Relevante: Trimestre dahuluk, MSSI ezekuta ona 12,8% OJE 2022

Jornalista : Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here