iklan

COVALIMA, SAÚDE

Janeiru-marsu: Servisu Saúde Covalima rejista kazu TBC 60

Janeiru-marsu: Servisu Saúde Covalima rejista kazu TBC 60

Diretòr Interinu Servisu saúde Covalima, Agapito de Jesus (tuur klaran). Imajen Tatoli/Celestina Teles.

COVALIMA, 05 abril 2022 (TATOLI)–Reprezentante Diretora Saúde Covalima, Agapito de Jesus informa, hahú iha trimestre primeiru ne’e (janeiru-marsu) ne’e, servisu saúde Munisípiu Covalima rejista kazu tuberkuloze (TBC) 60.

“Ohin ita tuur iha fatin ne’e, ita ko’alia kona-ba kazu Tuberkuloze tanba iha fulan tolu ita iha Covalima, ita deteta ona kazu tuberkuloze foun hamutuk 60 iha Munisípiu Covalima,” Reprezentante diretora servisu saúde Munisípiu Covalima, Agapito de Jesus, informa ba Agência Tatoli, iha salaun administrasaun munisípiu Covalima, tersa ne’e.

Nia husu ba xefe sentru saúde iha munisípiu Covalima atu tau atensaun ba moras tuberkuloze hodi halo tratamentu ba pasiente sira-ne’ebé mak sofre moras tuberkuloze.

Tekniku laboratóriu buka dalan didi’ak no autoridade lokál tau atensaun, bainhira realiza enkontru iha sede suku tenke tau ajenda hodi ko’alia mós kona-ba moras Tuberkolueze ba komunidade.

“Tenke tau konsiderasaun ba moras TB tanba durante fulan tolu ita deteta ona moras TB hamutuk kazu 60, maibe seidauk hatene iha ita-nia aldeia no bairru sira. TBC hanesan moras ida ne’ebé da’et ba beibeik maibé ita abandona moras ne’e da’et perigu tebes,” nia hateten.

Pesoál saúde durante ne’e hasoru difikuldade liu-liu laiha trasporte no uza de’it trasporte pribadu hodi halao servisu no menus ekipamentu hodi deteta moras tuberkuleze.

Sira hasoru problema boot tanba liga ba ekipamentu difikulta sira-nia tékniku laboratóriu bainhira atu halo teste ho ida husu ho haraik an ba jestor programa tuberkuloze nasionál karik bele tau planu nune’e ami bele halo tratamentu,” nia informa.

Xefe programa Tuberkuloze Nasionál Costantino Lopes konsidera preokupasaun hosi diretór interinu servisu saúde munisípiu Covalima ba futuru sei tau iha planu.

“Ohin diretór interinu servisu saúde munisípiu apoiu lojistiku ne’ebé sai problema nafatin iha munisipiu Covalima ami tau ona makina GN Expert atu deteta moras tuberkuloze la’ós iha Covalima de’it maibé mós munisípiu sira seluk,” nia klarifika.

Makina GN expert atu halo diagnostika ne’ebé mak ho rapidu la presija hein tempu maibé ho de’it minitu 20 bele fó sai ona nia rezultadu, maibé ekipamentu ida de’it sei la sufisiente hodi halo atendimentu.

“Kona-ba apoiu transporte programa tuberkuloze nasionál sei konsidera hodi haree planu presiza aumenta maibé ami apoiu hela transporte ami sei apoiu fazeadamente motor balun ami apoiu ona, ami buka atu apoiu nafatin,” nia esplika.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!