Kandidatu Prezidente Republika períodu 2022-2027, José Ramos Horta, hato’o kompromisu polítiku durante kampaña iha sede CNRT Liquiçá, domingu (03/04). Imajen TATOLI/António Dasiparu

DILI, 04 abril 2022 (TATOLI)Kandidatu Prezidente Repúblika (PR) hosi Partidu Congresso Nacional de Reconstrução de Timor (CNRT) períodu 2022-2027, ho númeru sorteiu 01, José Ramos Horta, segunda ne’e, la konsege realiza kampaña prezidensiál segunda volta, ho tipu diálogu ho komunidade iha munisípiu Aileu.

“Tuir loloos atu halo mini-komísiu iha Aileu, maibé tanba komisaun organizadora iha munisípiu hanoin katak la presiza halo komísiu no halo de’it iha postu administrativu sira, tanba ne’e maka altera filafali programa ida-ne’e no informa ba Komisaun Nasionál Eleisaun (CNE, sigla portugés), hafoin aprova maka halo fali,” Portavós ekipa susesu, Dionísio da Costa Babo Soares, hateten liuhosi konferénsia imprensa, iha sede kandidatura, Hudi-laran segunda ne’e.

Notísia relevante: Horta promete komunika ho parseiru internasionál kria empregu ba joven

Tuir ajenda hosi CNE, kampaña prezidensiál segunda volta ba loron datoluk iha segunda ne’e, Kandidatu PR Ramos Horta sei realiza iha kampu futeból/salaun rai-klaran, munisípiu Aileu, hahú tuku 08:30 to’o 17:30.

Enkuantu loron tuir mai Ramos Horta sei realiza kampaña ho tipu diálogu ho komunidade iha eis merkadu, postu administrativu Manatuto, munisípiu Manatuto.

Jornalista : Antónia Gusmão

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here