Logotipu RTTL, E.P.

DILI, 04 abríl 2022 (TATOLI)—Vise Prezidente Komisaun Nasionál Eleisaun (CNE-sigla portugés), Domingos Barreto, hateten CNE indika no haruka ona karta ba Rádiu Televizaun Timor-Leste, Empreza Públika Empreza Públiku (RTTL, E.P) atu halo transmisaun direta ba debate públikune entre kandidatu Prezidente Repúblika 2022-2027 ba eleisaun segunda volta ne’e.

Notísia Relevante: Prezidente RTTL, E.P protesta CNE hili empreza privada realiza debate ba kandidatu PR

“Ita haruka karta ba RTTL, EP atu halo transmisaun direta debate públiku ba kandidatu Prezidente Repúblika 2022-2027 na’in-rua, Francisco Guterres Lú Olo no José Ramis Horta, eleisaun segunda volta ne’e,” Domingos Barreto hateten ba Agência TATOLI, via telefónika, segunda ne’e.

Tanba, nia dehan, kestaun tempu entaun CNE labele loke konkursu públiku no CNE deside indika no haruka karta diretamente ba RTTL, E.P atu fasilita fó sai informasaun kona-ba debate públiku liuhosi transmisaun direta ba komunidade.

Notísia Relevante: HAK apresia aprezentasaun programa kandidadu PR 2022-2027 iha debate públiku

“Tuir planu ne’ebé ami iha katak debate públiku ba kandidatu PR sei hahú iha loron 13 abríl kalan, ho durasaun oras rua de’it ba ita-nia kandidatu na’in-rua ne’e,” nia dehan.

Iha eleisaun prezidensiál 2022-2027 ba segunda volta, kandidatu ho númeru sorteiu ida, José Ramos Horta no Kandidatu ho númeru sorteiu rua, Francisco Guterres “Lú Olo”.

Kona-ba sé loos mak CNE sei indika sai moderadór no debate públiku ne’e hala’o iha sá oras ne’e, CNE sei halo debate kle’an liután no seidauk bele fó sai rezulatdu ba públiku.

Notísia Relevante: Debate públiku, ekipa susesu Kandidatu Lú Olo propoin utiliza kanál RTTL, E.P

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here